La Liqada mövsümə iki darmadağınla yekun vuruldu.

“Football-plus.az” xəbər verir ki, əlbəttə, autsayderlər zərər gördü. Ancaq “Jirona”nın “Qranada”nı darmadağın etməsi heç bir xüsusi emosiya doğurmadısa (axı kataloniyalılar Dovbikin bombardir olması üçün çalışırdılar...), “Kadis”in Almeriyadakı 1:6 hesablı darmadağını təəccüb doğurdu. Özü də “Almeriya” bütün qolları fasilədən sonra vurdu. Görəsən, bu komanda əvvəl niyə belə oynamırdı?!

Kroosu yola salan “Real” maksimal dərəcədə təvazökar davrandı, “Betis”in qapısına yol tapa bilməsə də, özü də qol buraxmadı. Almaniyalı əfsanə ilə vidalaşma mərasimi çox emosional alındı. Kroos azarkeşlərin və övladlarının reaksiyasına biganə qala bilmədi, göz yaşı axıtdı. “Barselona” isə Sevilyanın 2-ci komandasının hisslərinə hörmət etmədi, Xavinin baş məşqçi postundakı son oyununda qalib gəldi. Bu oyunda üç nəticənin hər biri, hətta 4:4 hesabı da qeydə alına bilərdi. Amma yox, “Sevilya” 1:2 hesabıyla uduzdu. Bu, Serxio Ramosla yanaşı, baş məşqçi Kike Flores üçün də “Sevilya”da son oyun idi.

“Atletik” səfərdə “Rayo Valyekano” üzərində “quru” qələbə qazandı, hərçənd 2-3 top buraxmalıydı. “Real Sosyedad” “Atletiko” ilə ev oyununda çox zəif təsir bağışladı və bunun da məntiqi nəticəsi kimi qapısında iki qol gördü. “Osasuna” – “Vilyarreal” oyununun əsas hadisəsi heç-heçə yox, qonaqların ulduzu Sörlotun debütdəcə ciddi zədə almasıdı. Məhz bu zədə norveçlini mövsümün bombardiri adı uğrunda mübarizə aparmaq imkanından məhrum etdi.

Turun qalan oyunlarına gəlincə, “Selta” ilə “Valensiya”, həmçinin “Las-Palmas”la “Alaves” heç-heçəyə razılaşdı. “Malyorka” səfərdə “Xetafe”yə qalib gəldi.

38-ci tur
Real – Betis 0:0
(73614)
Real: Kurtua (Kepa, 63), Mendi, Naço (Militao, 64), Rüdiger, Karvaxal (Vaskes, 74), Kroos (Sebalyos, 87), Kamavinqa (Modriç, 74), Valverde, Bellingem, Vinisius, Rodriqo.
Sevilya – Barselona 1:2
Ən-Nəsiri, 31 – Levandovski, 15. Lopes, 59. (34888)
Barselona: Ter Ştegen, Kanselo (Fort, 84), Martines, Kubarsi, Kunde, Gündoğan, Kristensen (Romeo, 46), Pedri, Lopes (Roke, 75), Yamal (Feliş, 62), Levandovski (Torres, 62).
Jirona – Qranada 7:0
E.Qarsiya, 30. Sıqankov, 33; 54. Dovbik, 44-p.; 75; 90-p. Stuani, 78. (12813)
Jirona: Qassaniqa, Qutyerres (Martines, 65), Blind, Lopes (Kouto, 50), E.Qarsiya, A.Qarsiya, Errera (Torre, 50), Portu (Savio, 51), Martin, Sıqankov (Stuani, 56), Dovbik.
Real Sosyedad – Atletiko 0:2
Lino, 9. Mandava, 90+3. (30678)
Atletiko: Oblak, Lyorente, Vitsel, Ximenes, Aspilikueta (Mandava, 84), Lino (Ermoso, 70), Vermeren (Rikelme, 58), Koke, De Paul (Saul, 70), Qrizmann, Korrea (Morata, 70).
Almeriya – Kadis 6:1
Melero, 48. Arribas, 52; 86. Saldua, 57-öz qapısına. Suares, 65; 71. (7558)
Las-Palmas – Alaves 1:1
Kardona, 71 – Visente, 50. (23043)
Osasuna – Vilyarreal 1:1
Budimir, 30 – Morales, 57. (18385)
Rayo Valyekano – Atletik 0:1
N.Uilyams, 67. (13090)
Selta – Valensiya 2:2
Aspas, 49-p. Duvikas, 62 – Dominges, 5-öz qapısına. Mari, 60-p. (21878)
Xetafe – Malyorka 1:2
Alvares, 48 – Muriqi, 90. Maffeo, 90+3. (9545)
Yekun cədvəl
1. Real 38 29 8 1 87-26 95
2. Barselona 38 26 7 5 79-44 85
3. Jirona 38 25 6 7 85-46 81
4. Atletiko 38 24 4 10 70-43 76
5. Atletik 38 19 11 8 61-37 68
6. Real Sosyedad 38 16 12 10 51-39 60
7. Betis 38 14 15 9 48-45 57
8. Vilyarreal 38 14 11 13 65-65 53
9. Valensiya 38 13 10 15 40-45 49
10. Alaves 38 12 10 16 36-46 46
11. Osasuna 38 12 9 17 45-56 45
12. Xetafe 38 10 13 15 42-54 43
13. Selta 38 10 11 17 46-57 41
14. Sevilya 38 10 11 17 48-54 41
15. Malyorka 38 8 16 14 33-44 40
16. Las-Palmas 38 10 10 18 33-47 40
17. Rayo Valyekano 38 8 14 16 29-48 38
18. Kadis 38 6 15 17 26-55 33
19. Almeriya 38 3 12 23 43-75 21
20. Qranada 38 4 9 25 38-79 21
Bombardirlər: Dovbik (Jirona) – 24, Sörlot (Vilyarreal) - 23, Bellingem (Real), Levandovski (Barselona) - 19, Budimir (Osasuna) - 17, Qrizmann (Atletiko), Ən-Nəsiri (Sevilya) – 16.

Turun rəqəmi
1 – “Real” La Liqanın cari mövsümündə yalnız bir oyunda uduzdu. Madrid nəhəngini məğlub edən yeganə komanda “Atletiko”du (24 sentyabr). “Real” qalan oyunların 29-da qələbə qazandı, 8-də heç-heçə etdi. Bu komanda əvvəllər 38 turluq çempionatlarndan yalnız 1988/89 mövsümünü bir məğlubiyyətlə bitirib. “Real” 1968/69 mövsümündə də yalnız bir oyunda məğlub olub, sadəcə, onda cəmi 30 tur keçirilib. Ümumiyyətlə, “ağ şimşəklər” cari mövsümdə yalnız iki oyunda uduzub. 2-ci məğlubiyyət ölkə kubokunun 1/8 finalına təsadüf edib (“Atletiko”, 18 yanvar). “Real” yalnız 1931/32 mövsümünü məğlubiyyətsiz bitirib. Düzdü, onda çempionat yalnız 18 turdan ibarət olub.

Turun ulduzu
Viktor Sıqankov (Jirona) – Dovbik ikisi penaltidən olmaqla üç qol vursa da, onun həmvətəninə və komanda yoldaşına üstünlük verdik. “Jirona”nın sağ vingeri “Qranada” ilə oyunda dubl və məhsuldar ötürmə ilə yadda qaldı.

Turun sitatı
Toni Kroos, “Real”ın yarımmüdafiəçisi:

Faktlar
* Dovbik 24 qol vurmaqla La Liqanın cari mövsümünün bombardiri oldu. Sörlot ondan yalnız bir top geri qaldı. Dovbik Şevçenkoya məxsus olan, ukraynalı futbolçular üçün “böyük beşlik” ölkələrində qol sayına görə rekordu təkrarladı. Andrey “Milan”ın heyətində A seriyasında üç dəfə 24 qol vurub. Dovbik həmçinin Kristian Stuaninin La Liqadakı rekordunu yenilədi. Ukraynalı “Jirona”nın tarixində La Liqanın bir mövsümündə 24 qol vura bilən ilk futbolçudu. Əvvəlki rekordu (21) Stuani 2017/18 mövsümündə müəyyənləşdirmişdi. Onu da qeyd etməyə dəyər ki, Kataloniya klubu La Liqada ümumilikdə cəmi 4 mövsüm oynayıb.
* “Real” məğlubiyyətsiz oyunlar seriyasını 25-ə çatdırdı. Madridlilər sonuncu dəfə yanvarın 18-də ölkə kubokunun oyununda “Atletiko”ya uduzub (2:4). Komanda həmin vaxtdan bəri 17 qələbə (ÇL-də “Mançester Siti” ilə oyundakı penalti seriyası da nəzərə alınmaqla) qazanıb, 8 dəfə heç-heçə edib. “Real” mövsümdəki son oyununun iyunun 1-də Dortmund “Borussiya”sına qarşı keçirəcək.
* La Liqanın bu mövsümünün ən yaxşı assistenti “Vilyarreal”ın yarımmüdafiəçisi Aleks Baena oldu – 14 məhsuldar ötürmə. Niko Uilyamsın (Atletik) hesabında 11, Moreyranın (Jirona) hesabında isə 10 ötürmə var.
* “Sevilya” ilə oyun bütün turnirlər çərçivəsində Xavinin “Barselona”nın “sükanı arxasında” olduğu 143-cü qarşılaşma idi. O, bu göstəricidə Elenio Erreraya çatdı və ilk “10-luğ”a düşdü. 9 məşqçi Kataloniya nəhəngini daha çox oyuna çıxatıb. Bunlar Ernesto Valverde (145), Ferdinand Dauçik (151), Terri Veneybls (169), Luis Enrike (181), Lui van Qal (200), Pep Qvardiola (247), Rinus Mihels (267), Frank Raykaard (273) və Yoham Kroyffdu (421). Xavi 143 oyunun 90-da qalib gəlib, 29-da uduzub, 24 oyun heç-heçə bitib.
* Xavinin baş məşqçi təyin olunduğu 2021-ci il noyabrın 6-dan bəri “Barselona” İspaniya çempionatında keçirdiyi 102 oyunda 229 xal toplayıb (71 qələbə, 16 heç-heçə, 15 məğlubiyyət). “Real” isə bu müddətdə Karlo Ançelottinin rəhbərliyi altında 232 xal (71 qələbə, 19 heç-heçə, 12 məğlubiyyət) toplayıb. Madridlilər iki, kataloniyalılar bir dəfə çempion olub.

Reaksiya
Xavi Ernandes, “Barselona”nın baş məşqçisi: