“Həmin cəhdi qapıya zərbə də saymaq olmaz” – Mahir ilk oyunda səhv etdi
Mahir Emreli, nəhayət, yaşıl meydana geri döndü.
O, “Dinamo”nun Xorvatiya çempionatının 35-ci turunda “Slaven”i məğlub etdiyi (3:2) matçda meydana çıxdı. “Football-plus.az” xəbər verir ki, Xorvayiya mətbuatı Mahiri diqqətdən kənarda qoymayıb.
“Sportske Novosti” futbolçuları qiymətləndirib və Mahirə 6 bal verib. Nəşr səbəbi belə izah edib:
“Emreli fasilədən sonra meydana çıxdı. Sonuncu rəsmi oyunu dekabrın 9-da keçirən azərbaycanlı meydanda çox qaçdı. Onun hələ formada olmadığı hiss olunur. Hücumçu bir dəfə bəxtini sınamaq istəsə də, “çərçivə”ni düzgün nişan ala bilmədi. Həmin cəhdi qapıya zərbə də saymaq olmaz”.
Qeyd edək ki, “Sportske Novosti”nin matç haqda hazırladığı reportajda Mahirin yuxarıda xatırladılan zərbəsindən başqa hansısa epizodda adı çəkilmir.
“Germajinak.hr” nəşri isə Mahirdən belə bəhs edib:
“Yakiroviç fasilədən sonra Roq və Vidoviçi Vrbançiç və unudulmuş hücumçu Emreli ilə əvəzlədi. Bundan sonra “Dinamo” cəmi 7 dəqiqədən sonra oyunu dəyişdi və Brodiç qol vurdu. Mahir meydanda ciddi iş görməsə də, komanda qələbə qazandı. Hamı bilir ki, futbolçuların oyun tərzi unudalacaq, ancaq qələbə xatırlanacaq...”
Xatırladaq ki, Mahir yanvarda Zaqreb təmsilçisinin heyətində “Roqaşka”ya (Sloveniya) qarşı yoxlama oyununda (1:0) dirsək və bud nahiyəsindən ciddi zədə almışdı.
KƏNAN BAHADIR
Digər xəbərlər
