Yanvarda birdən-birə iki top-klubun məşqçisi yayda vəzifəsindən gedəcəyini açıqladı.

“Football-plus.az” xəbər verir ki, Düzdü, sonda taleləri fərqli oldu. Xavi hər mətbuat konfransında deyirdi ki, “Barselona” hətta Çempionlar Liqasını qazansa da, qərarını dəyişməyəcək. Ancaq son nəticədə qalacağını elan etdi – komandası həm La Liqada, həm də ÇL-də tituldan əlini üzəndən sonra. Yürgen Kloppun tarixçəsi daha konkret oldu – almaniyalı mütəxəssis yayda gedəcəyini dedi və sözünü tutdu. “Liverpul” artıq ona əvəz də tapıb. Çoxları yazırdı ki, Mersisaydda Xabi Alonsonun dönüşünü gözləyirlər, ancaq ispaniyalı daha bir il “Bayer-04”də qalmağa qərar verdi. Onun qərarı “Liverpul”u başqa namizədə boylanmağa məcbur etdi. Nüfuzlu insayder Fabritsio Romanonun yazdığına inansaq, Kloppu Arne Slot – hazırda “Feyenoord”u çalışdıran 45 yaşlı niderlandlı əvəz edəcək. “Sky Sports” və BBC də bunu təsdiqləyir. Hətta Niderland klubuna ödəniləcək kompensasiyanın məbləği də bəllidi – 13-15 milyon avro.

Slotun mümkün təyinatı haqda artıq Klopp özü də mətbuat konfransında danışır:

Ancaq heç də hər kəs Kloppun fikirlərini bölüşmür. “Liverpul”un əfsanəsi Qrem Suness belə hesab edir ki, Slot İngiltərədə Niderland çempionatı ilə müqayisədə tam fərqli təzyiq səviyyəsinin altına düşəcək. Ceymi Karragerin fikrincə, artıq işi ilə nəyisə sübut edən, sınanmış mütəxəssisi götürmək daha yaxşıdı, nəinki hələ özünü göstərməli olanı.

Yaxşı, Slot “Liverpul” üçün kimdi – ideal namizəd, yoxsa “torbada pişik”? Hər iki variantın xeyrinə olan dəillər var.

Karyera
İlk və ən əsas irad – Slotu Niderlandın hüdudlarından kənarda, sadəcə, az tanıyırlar. “Feyenoord” ötən mövsüm çempionluğu, ardından ölkə kubokunu qazandı, ancaq geniş auditoriya üçün orda başvərənlər hücum futbolu və gənc istedadların tərəqqisi haqda biliklərdən uzağa getmir.

Bəlkə də parlaq futbolçu karyerası qursaydı, Arnenin şəxsiyyəti daha böyük maraq doğurardı. Ancaq bu da olmayıb. Slot əsasən ikinci divizonda olmaqla peşəkar futbolda 18 mövsüm keçirib. Məsuliyyətli yarımmüdafiəçi olsa da, top səviyyədə deyildi. Sürəti və dözümlülüyü aşağı səviyyədə olduğundan Arne mövqe seçiminə və oyunun təhlilinə daha böyük diqqət ayırırdı. Ancaq belə fikir var ki, artıq onda hər kəs Slotun oyunçu karyerasının yalnız böyük məşqçi işinin proloqu olduğunu anlayırdı. Slot butslarını mıxdan asandan dərhal sonra məşqçiliyə başladı. Bir il doğma “Zvolle”nin gəncləri ilə çalışdı, ardından iki il “Kambur”da məşqçi köməksisi oldu. 2016-cı ildə Slot özünü baş məşqçinin səlahiyyətlərinin icraçısı rolunda sınadı. Komanda həmin vaxt 2-ci divizionda 14-cü yerdə qərarlaşmışdı, ancaq Arne onu ilk “3-lüy”ə yüksəltdi və yalnız son anda elitaya qaytarmaq imkanını qaçırdı.

Ancaq parlaq debütün ardından Slot tələsmədi və daimi təhsilə üstünlük verdi. Daha iki il “Alkmaar”da baş məşqçinin köməkçisi kimi çalışdı, yenidən baş məşqçi olmaq şansını gözlədi və tam olmayan iki mövsüm ərzində klub tarixində xal qazanmaq üzrə ən yaxşı nəticəni göstərdi – hər oyunda orta hesabla 2,11 xal.
Belə uğurdan sonra “Feyenoord” Slota göz qoydu. Arne elə ilk mövsümdə komandanı 3-cü yerə yüksəltdi və Konfrans Liqasının finalına çıxdı (Rotterdam təmsilçisi orda Joze Mourinyonun “Roma”sına uduzdu). İkinci mövsüm də uğurlu oldu – klub son 6 ildə ilk çempionluğunu qazandı və Avropa Liqasında 1/4 finala qədər irəlilədi. 2023-cü ilin yayında “Tottenhem” onun xidmətində maraqlı olduğunu göstərsə də, Arne “Feyenoord”la müqavilə müddətini uzatmağa qərar verdi, belədə “mahmızlar” Ange Postekoğluna üz tutdu.
Slotun komandası cari mövsümdə artıq əvvəlki qədər parlamır – çempionatda PSV-dən sonrakı yerdə qərarlaşıblar, Avropa Liqasında isə mübarizəni 1/16 finalda dayandırıblar (özü də yenə də “Roma”ya uduzmaqla!). Bütün bu tarixçəni ona görə xatırlatdıq ki, təxminən Arnenin yoluna bələd olasız, onun perspektivləri ilə bağlı özünüz üçün nəticə çıxarasız. Hələ ki niderlandlının potensialını obyektiv qiymətləndirmək çətindi – bəli, uğurları var, heç də az deyil. Ancaq bu həmin səviyyədi ki, top-klubda hər şeyin alınacağına ümid etmək mümkün ola?

Sadə desək, Slot, heç şübhəsiz, istedadlı məşqçisi, ancaq onun səviyyəsi ilə bağlı suallar hələ də açıq qalır. Həm də söhbət təkcə ondan getmir ki, Arne taktiki dərinliklərdən nə dərəcə baş çıxarır və oyunu idarə etmək baxımından nə qədər yaxşıdı. Problem daha dərindi. Axı öz bacarıqlarını dünyanın ən güclü liqasının top-komandalarından birinə ötürməlidi, bu isə asan deyil. Klopp “Liverpul”a gələndə artıq çiyinlərində “Borussiya”da keçirdiyi 7 ilin yükü, iki çempionluq, Çempionlar Liqasının finalı var idi. Slotun xidməti siyahısı bu mənada məhduddu.

Üstəlik niderlandlı mütxəssis “Liverpul”da Alisson, Van Diyk, Aleksander-Arnold və Salah kimi ulduzlarla çalışmalı olacaq. Yaxınlarda gördüyümüz kimi, hətta Klopp kimi nəhəngin də paltardəyişmə otağının liderləri ilə qarşılıqlı münasibətlərində problemlər yarana bilir. Gələcək komandasının ulduzlarından bir baş aşağı olan Slot haqda bu yöndə nə deyəsən?! Ulduzlar onu dinləyəcəkmi? Qəbul edəcəklərmi? Erik ten Haq MY-yə daha güclü mövqedə gəlmişdi, bununla belə, avtoritetini yeritməklə bağlı ciddi problemlərlə üzləşdi. Slotun vəziyyəti daha çətin olacaq. Hərçənd “Liverpul”da mühit son illərdə Mançesterin qırmızı hissəsi ilə müqayisədə daha yaxşıdı.

Nəyi yaxşıdı?
Əlbəttə, “Liverpul” bosslarının Slotu başqa namizədlərlə müqayisədə üstün tutmasının səbəbləri var. Birinci və əsas səbəb odu ki, Arne Kloppun ideyalarının təbii davamçısıdı.

Son onillikdə “Liverpul”un təkcə əsas heyəti yox, bütün uşaq və yeniyetmə komandaları da 4-3-3 sxeminə uyğunlaşıb ki, inkişaf etməkdə olan istedadlar böyüklərin futboluna daha təbii şəkildə qoşulsun. Deməli, kluba elə məşqçi lazım idi ki, mövcud modeli korlamasın, pozmasın. Məsələn, Xabi Alonso (başqa namizəd Ruben Amorim kimi) açıq-aşkar üç mərkəz müdafiəçisinin olduğu sxemlə oynamağa üstünlük verir. Slot isə “Feyenoord”da elə həmin 4-3-3-dən yararlanır, permanent şəkildə 4-2-3-1-ə də keçir. Slot da sələfi kimi pressinq fanatıdı. Ancaq Klopp yetirmələrinə pressinq dalğasına nə vaxt başlamaqla bağlı istiqamət verirsə, Arnedə bu daimi prosesdi. Hər halda, Slotin komandaları daha çox topa sahib olmağa üstünlük verir – bu məqamda isə niderlandlı artıq Pep Qvardiola ilə Marselo Byelsanın məktəbinin davamçısıdı. Slot deyir:

Bütün sadalanlarla yanaşı, Arnenin modeli “Liverpul”un indiki heyəti üçün asan olacaq. Meydanın mərkəzində hərəkətli beyin (Makallister), qol vəziyyətlərini yaratmaq üçün vingerlərə bel bağlamaq (Salah kimi), həmçinin mövqeyini dəyişməyə, yerdəyişmələrlə rəqibi aldatmağa qadir kreativ universalın (Soboslai) olması onun üçün çox vacibdi. Və əlbəttə, ənənəvi şəkildə hücuma çox yardım edən cinah müdafiəçiləri (Aleksander-Arnold və Robertson). Slot hücum futbolu oynatmağa çalışır, ancaq onun komandaları müdafiədə də etibarlıdı. “Feyenoord” bu mövsüm erediviziyada yalnız PSV-dən çox qol buraxıb. Ekspertlər qeyd edir ki, komanda uğursuz pressinq halında asanlıqla orta və ya aşağı bloka keçir. Yəni futbolçular manevr imkanları ilə bağlı ən parlaq şəkildə təlimatlandırılıb ki, bu da məşqçu korpusunun xidmətidi. Arne öz “Feyenoord”unu belə dəyərləndirir:
İkinci vacib məqam Slotun xarakteridi. Jurnalist Denni var Ersel Arne haqda belə deyir:

Açıqlıq və xeyirxahlıq – bu cəhətlər Slotla Kloppu birləşdirir. Bu planda da varislik ənənəsi qorunacaq. Üstəlik Arne gənclərlə yaxşı çalışır. Onun rəhbərliyi altında “Feyenoord”da perspektivli oyunçular nəsli yetişib: Hantsko, Hartman, Viffer, Timber, Ximenes. “Feyenoord” 2022-nin yayında liderlərinin əksərini satdı, demək olar ki, heyətini tam yenilədi. Hər kəs komandanın keçid dövrü yaşayacağını düşünsə də, Slot bütün mexanizmi sürətli şəkildə yeniləməklə ölkə çempionluğunu qazandı. Transferlər planında əksər rəqiblərinə uduzan “Liverpul” üçün belə böhran şəraitlərində işləmək bacarığı çox önəmlidi. Bu məqamı da unutmayaq.

“Liverpul” kağız üzərində həqiqətən də Kloppa maksimal dərəcədə oxşar olan namizəd tapıb. Ancaq əsas məsələ səviyyə fərqi ilə bağlıdı. Biz böyük ulduzlarla müqayisə olunan nə qədər gənc oyunçu görmüşük! Ancaq onlardan neçəsi son nəticədə potensialını açıb? Məşqçilərlə bağlı vəziyyət də oxşardı. Slot açıq-aşkar ağıllı və bacarıqlı mütəxəssisdi. Ancaq bir neçə addımdan sonra bu səviyyəyə sıçramaq ona böyük həcmdə əsəb hüceyrələrinin itkisini vəd edir. Və çox güman, bu problem “Liverpul” azarkeşlərinə də təsir göstərəcək.