Əli Koç ''Qazprom''un təklifini nə üçün geri çevirdi?
Seçkilərə hazırlaşan ''Fənərbaxça''nın bu günlərdə olduqca sərfəli bir təklif aldığı məlum olub.
''Qazprom'' şirkəti İstanbul nəhəngi ilə işbirliyinə girmək istəyib. Rusiyanın və dünyanın ən böyük neft-qaz şirkəti ''Fənər''in stadionunun yeni sponsoru olmaq üçün təklif irəli sürüb. Hazırda həmin stadionun sponsoru ''Ülkər'' şirkətidi. Bu şirkətlə müqavilənin müddəti gələn ilin sonunda başa çatacaq. Amma şayiələrə inansaq, ''Qazprom'' müqavilənin indi ləğv olunması üçün hətta ''Ülkər''ə təzminat ödəməyi də üzərinə götürüb. Rusların ''Fənərbaxça''ya təklifinin maddi detalları açıqlanmasa da, söhbət çox böyük pullardan gedir. Amma ''Haber Qlobal'' kanalının idman bölümünün rəhbəri Sərcan Həmzəoğlunun xəbərinə görə başqan Əli Koç qarşıdan gələn seçkilər üzündən təklifi hələ ki, geri çevirməli olub. Koçun ''Qazprom''un rəsmilərinə cavabı belə olub:
''Seçkilərin nəticəsini proqnozlaşdırmaq mümkün deyil. Ona görə də seçkilərdən öncə bu cür anlaşmaya imza atmaq etik cəhətdən düzgün olmaz. Çünki biz qalib gəlməsək, yeni rəhbərliyin önünü kəsmiş olacağıq. Düzdü, bu pullarla klubun borçlarının yarıdan çoxunu ödəmək olar. Amma bir daha deyirəm ki, indi bu cür anlaşma etik cəhətdən düzgün olmayacaq''.
Xatırladaq ki, ''Qazprom'' ötən il eyni müraciətlə ''Beşiktaş''a da üz tutmuşdu. Tərəflər arasında uzun müddət danışıqlar aparılsa da, sonda bəzi siyasi məsələlər üzündən anlaşma baş tutmamışdı.
ƏLİ
