A seriyasının 37-ci turunda qeydə alınan nəticələrdən sonra daha bir komanda Çempionlar Liqasına (ÇL) vəsiqəni təmin etdi.

“Football-plus.az” xəbər verir ki, başqa sözlə, 5-ci vəsiqə uğrunda mübarizə finişə bir tur qalmış sona çatdı.

Turun diqqəti daha çox cəlb edən oyunu Milanda keçirildi. Doğrudu, aprelin 22-də 20-ci skudettonu rəsmiləşdirən “İnter” üçün “Latsio” ilə matçın turnir əhəmiyyəti qalmamışdı. Amma romalılar avrokuboklarda oynamaq üçün çətin səfərdən uğurlu nəticə ilə qayıtmağa çalışacaqdılar. Paytaxt təmsilçisi ötən il dekabrın 17-də evdə “İnter”ə məğlubiyyətin (0:2) əvəzini çıxmaq üçün çox enerji sərf etdi. İlk hissəni minimalhesablı üstünlüklə başa vuran İqor Tudorun komandası hədəfə çox yaxın idi. Lakin Dyumfris son dəqiqələrdə başı ilə vurduğu qolla milanlıları məğlubiyyətdən qurtardı.

Milan şəhərinin eyniadlı təmsilçisi isə belə aqibətdən qaça bilmədi. “Torino” ilə matçın xüsusilə ilk yarısını zəif keçirən Stefano Pyolinin komandası topu ardıcıl üç dəfə qapısında gördü. Artıq əvvəlki turda mövsümün vitse-çempionu statusunu rəsmiləşdirən “Milan”ın gücü yalnız darmadağından qaçmağa çatdı.

Gözlənildiyi kimi, “Atalanta” Avropa Liqasının (AL) finalı ərəfəsində Leççedəki matça bir qədər qeyri-optimal heyətlə çıxdı. Eyniadlı komanda buna görə berqamoluları az qala cəzalandıracaqdı. Vəziyyətin ciddiliyini anlayan Can Pyero Qasperini fasilədən sonra Ederson və De Ketelareni mübarizəyə qoşdu. Sonuncu meydana çıxandan az sonra Skamakkanın ötürməsi ilə hesabı açdı. 5 dəqiqə sonra Skamakka Mirançukun ötürməsini qola çevirməklə komandasının qələbəsində böyük rol oynadı. Beləliklə, “Atalanta” da növbəti mövsümdə İtaliyanı ÇL-də təmsil edəcək.

Berqamoluların əsas izləyicisi “Roma” evdə “Cenoa”ya 1:0 hesabı ilə qalib gəlsə də, Avropanın ən nüfuzlu klub turnirində iştirak edə bilməyəcək. Daniele De Rosinin komandası 6-cı yeri tutmaqla AL-ə yollana biləcək.
“Napoli” isə bu gedişlə avrokubokların növbəti mövsümündə iştirak şansı qazana bilməyəcək. “Fiorentina” ilə səfər oyununda məhsuldar heç-heçəyə (2:2) razılaşan İtaliyanın son çempionu praktiki cəhətdən qitə arenasına çıxmaq imkanını daha da azaltdı.

37-ci tur
İnter – Latsio 1:1
Dyumfris, 87 – Kamada, 32. (73148)
İnter: Zommer, Dimarko (Byukenen, 77), Açerbi, Pavar, A.Bastoni (Auqusto, 64), Darmian (Dyumfris, 64), Barella, Mxitaryan (Frattezi, 64), Çalhanoğlu (Sançes, 77), Lautaro Martines, Türam.
Latsio: Provedel, Xila (Kataldi, 78), Patrik, Kazale, Luka Pelleqrini (Hüsay, 66), Maruşiç, Vesino, Rovella (Genduzi, 66), Zakkanyi (Felipe Anderson, 72), Kamada (Luis Alberto, 72), Kastelyanos.
Torino – Milan 3:1
Sapata, 26. İliç, 40. Rodriges, 46 - Bennaser, 55-p. (26638)
Milan: Sportyello, F.Terraçano (Florentsi, 65), Tiav, Tomori, Kalulu, Reynders, Bennaser (Pobeqa, 77), Pulişiç, Musa (Jiru, 77), Okafor (Leao, 61), Yoviç.
Leççe – Atalanta 0:2
De Ketelare, 48. Skamakka, 53. (26354)
Atalanta: Musso, Bonfanti (Bakker, 75), Hin, Toloy, Zappakosta (Ederson, 46), Skalvini, Hatebur, Paşaliç (Adopo, 68), Mirançuk, Ture (De Ketelare, 46), Skamakka (Cimşiti, 62).
Fiorentina – Napoli 2:2
Biraqi, 40. Nzola, 42 - Rrahmani, 8. Kvaratsxeliya, 57. (28267)
Fiorentina: P.Terraçano, Biraqi (Parizi, 78), Lukas Martines, Milenkoviç, Dodo, Artur (Lopes, 87), Bonaventura, Kuame (İkone, 67), N.Qonsales, Nzola (Belotti, 67), Beltran (Mandraqora, 78).
Napoli: Meret, Olivera, Rrahmani, Estiqor, Matsokki, Zambo Angissa, Lobotka, Kayuste, Kvaratsxeliya (Lindstrem, 86), Politano (Raspadori, 76), Simeone (Nqonq, 76).
Roma – Cenoa 1:0
Lukaku, 79. (67334)
Roma: Svilar, Anxelinyo (Mançini, 81), Ndika, Lyorente, Çelik, Bove, Paredes, Kristante, Lorentso Pelleqrini (Əl-Şaaravi, 63), Baldantsi (Dibala, 63/Kristensen, 90+1), Lukaku (Abraham, 90+1).
Udineze – Empoli 1:1
Samarciç, 90+13-p. – Nyanq, 90-p. (24675)
Sassuolo – Kalyari 0:2
Prati, 71. Lapadula, 90+1. (15518)
Montsa – Frozinone 0:1
Şeddira, 9. (12306)
Salernitana – Verona 1:2
Macore, 90 – Suslov, 22. Folorunşo, 45+3. (15998)
Bolonya – Yuventus 3:3
Kalafyori, 2; 53. Kastro, 11 – Kyeza, 76. Milik, 83. Yıldız, 84.

1. İnter 37 29 6 2 87-20 93
2. Milan 37 22 8 7 73-46 74
3. Bolonya 37 18 14 5 54-30 68
4. Yuventus 37 18 14 5 52-31 68
5. Atalanta 36 20 6 10 67-39 66
6. Roma 37 18 9 10 64-44 63
7. Latsio 37 18 6 13 48-38 60
8. Fiorentina 36 15 9 12 55-42 54
9. Torino 37 13 14 10 36-33 53
10. Napoli 37 13 13 11 55-48 52
11. Cenoa 37 11 13 13 43-45 46
12. Montsa 37 11 12 14 39-49 45
13. Verona 37 9 10 18 36-49 37
14. Leççe 37 8 13 16 32-54 37
15. Kalyari 37 8 12 17 40-65 36
16. Frozinone 37 8 11 18 44-68 35
17. Udineze 37 5 19 13 36-53 34
18. Empoli 37 8 9 20 27-53 33
19. Sassuolo 37 7 8 22 42-74 29
20. Salernitana 37 2 10 25 29-78 16
Bombardirlər: Lautaro Martines (İnter) - 24, Vlahoviç (Yuventus) - 16, Osimhen (Napoli) - 15, Qudmundsson (Cenoa), Jiru (Milan) - 14.
Sonuncu turun oyunları mayın 26-da keçiriləcək: Verona - İnter, Milan – Salernitana, Yuventus – Montsa, Cenoa - Bolonya, Atalanta - Torino, Empoli - Roma, Latsio – Sassuolo, Napoli - Leççe, Kalyari – Fiorentina, Frozinone – Udineze.

Turun rəqəmi
11 – mayın 4-də evdə yeni çempion “İnter”ə minimal hesabla qalib gələn “Sassuolo” azarkeşlərini ümidləndirmişdi. Lakin “Cenoa” (1:2) və “Kalyari”yə (0:2) məğlubiyyətlər “yaşıl-qaralar”ın aqibətini müəyyən etdi. A seriyasına 2013-cü ildə vəsiqə qazanan “Sassuolo”nun bu liqadakı macərası 11 mövsüm çəkdi.

Turun ulduzu
Rikardo Rodriges (Torino) – isveçrəli futbolçu “Milan” ilə oyunda yalnız bir saat meydanda olsa da, nəticəyə çox təsir edən oyun sərgilədi. Rodriges sabiq komandasının məğlubiyyətində hesabı açan Sapataya verdiyi məhsuldar ötürmə və fasilədən sonra vurduğu qolla böyük rol oynadı. Qeyd edək ki, 31 yaşlı müdafiəçi “Torino”da 4-cü mövsümünü başa vurmaq üzrə olsa da, İtaliya çempionatında bu komandanın formasında ilk dəfə qapıya yol tapdı.

Turun sitatı
Stefano Pyoli, “Milan”ın baş məşqçisi: