“Qaydalara uyğun olaraq, stadionun 30 faizini “Qalatasaray” fanatlarına ayırmışıq. Bu da 23-24 min azarkeş deməkdi. “Fənərbaxça” ilə oyunda da belə olmuşdu. Biletin qiyməti yenə 930 lirə olacaq. “Trabzonspor” da bizdən kubokun cavab oyunu üçün bu qədər yer istədi. Biz də razılaşdıq. Amma biletlər tam satılmadı. Fequli “Qalatasaray”dan heç də xoş şəkildə ayrılmadı. Bu üzdən onlara qarşı meydana çıxmaq üçün alışıb-yanırdı. Amma çox şanssız bir durumla üzləşdi. Fikrimizcə, onun ötən tur Kayseridə yol verdiyi hərəkətin qarşılığı qırmızı vərəqə olmamalıydı. Hakim isə fərqli qərar verdi. Özü ilə söhbət etmişəm. “Qalatasaray”a qarşı oynaya bilməyəcəyi üçün çox üzgündü. İndiyə qədər mənim olduğum komandalarda heç vaxt stimullaşdırıcı paraya yer olmayıb. Heç kimdən belə şey qəbul etməmişik. Mənim gözümdə oyunu satmaqla stimullaşdırıcı para almaq eyni şeydi. “Qalatasaray”la oyun üçün futbolçulara heç bir xüsusi pul mükafatı vəd etməmişəm. Oyundan öncə mükafat vəd etmək istəmirəm. Çünki nə vaxt bunu edirəmsə, həmişə əks effekt verir. Ona görə də bir daha belə etməməyə söz vermişəm. Qoy bizimkilər qalib gəlsin, layiq olduqları pulu artıqlamasıyla verəcəm”.