“Birinci hissədən sonra Rauf Cabbarovun idarəçiliyinə etiraz etmişdim. Qapımıza təyin olunan penalti qərarından narazıyıq. Çünki təkrardan da görünür ki, orda ayağa yox, topa müdaxilə var. Açıq-aşkar qapıçının topa müdaxilə etdiyi görünür. Hətta VAR hakimləri ilə də o epizodu müzakirə etdik. Qurban Qurbanov demişkən, onların izahından nəyin düz, nəyin səhv olduğu bilinmir. Hər dəfə birləşib vəziyyətdən çıxırlar. Lakin təkrara baxanda hər şey aydın görünür. Orda penalti yox idi. 42-ci dəqiqədə Şəhriyar Əliyevin əllə oynadığı epizod var, topu əllə qaytarır. Biz də bu iki epizoddan narazıydıq. Etirazımı bildirmək üçün deyəcəyim cümləni belə seçmişdim ki, təhqir elementləri olmasın. O da mənə qırmızı vərəqə göstərdi. “Niyə verirsən”, - deyə səbəbini soruşduqda izah vermədən paltardəyişmə otağına getdi. Oyun bitəndən sonra bir daha soruşsam da, cavab məni qane etmədi. Çünki konkret bir söz yox idi. Səbəbi heç özü də bilmirdi. Onun mənə qırmızı vərəqə göstərmək ixtiyarı da yox idi. Çünki adım protokolda olmur. Hər halda, özünü haqlı göstərmək, eqosu üçün təhqir etdiyimi yazıb. Mən də bu qərardan narazıyam. Hesab edirəm ki, imicimə zərər gətirən söhbətdi. Buna görə İntizam Komitəsinə və Hakimlər Komitəsinə müraciət etmişəm. Apellyasiyaya da verəcəm. Bu durumdan tam narazıyam”.

“Bu vəziyyətdə artıq hər şey çətindi. Düzdü, az da olsa, şanslar qalıb. Lakin indiki vəziyyətdə çox çətin görünür”.