Dünən 2-ci bundesliqanın 30-cu turunda ''Nürnberq'' doğma fanatları önündə ''Paderborn'' ilə qarşılaşdı.

Bu mövsüm ulduzu parlayan və Türkiyə yığmasına qədər yüksələn ''Nürnberq''in yarımmüdafiəçisi Can Uzun üçün oyun çox uğursuz alındı. Onun komandası fasiləyə 0:1 geridə yollandı. İkinci hissənin əvvəllərində ''Nürnberq'' penalti vurmaq hüququ qazandı və topun başına məhz Uzun keçdi. 18 yaşlı futbolçunun ilk zərbəsini qapıçı dəf etsə də, o, dönən topu bir toxunuşla tora göndərdi. Amma məlum oldu ki, Can zərbə endirərkən bir balaca ayağı sürüşdüyü üçün top onun hər iki ayağına toxundu. Bu üzdən hakim VAR-la məsləhətləşərək qolu qeydə almadı! Bu epiozddan cəmi bir neçə dəqiq sonra qonaqlar 2-ci qolu vurdular. Bu qoldan sonra Can Uzun psixoloji cəhətdən çökdü. Bu üzdən ''Nürnberq''in baş məşqçisi Kristian Fil gənc ulduzu əvəzləməli oldu. Can meydanın kenarına gələrkən göz yaşlarını saxlaya bilmədi və uzun müddət üzüntü yaşadı. Onu komanda yoldaşları sakitləşdirməyə çalışdı. Qeyd edək ki, Can Uzun 15 qolla hazırda 2-ci bundesliqada bombardirlər siyahısında 6-cı pillədə qərarlaşıb. Qürbətçi futbolçu ötən ay Macarıstana qarşı yoldaşlıq oyununda Türkiyə yığmasının heyətində debüt etmişdi.

ƏLİ