Misli premyer-liqasının 30-cu turunda “Qəbələ” “Turan Tovuz”a 1:2 hesabıyla məğlub olub.
“Football-plus.az” xəbər verir ki, matçdan sonra “qırmızı-qaralar”ın baş məşqçisi Kaxaber Tsxadadzenin mətbuat konfransı keçirilib. Sizi 55 yaşlı mütəxəssisin fikirləri ilə tanış edirik:
“Deyiləcək çox şey yoxdu. Oyuncular xarakter göstərməli idilər, amma göstərmədilər. Sonradan meydana daxil olanlar oyunu gücləndirə bilmədi. İkinci qol kuryoz oldu. Bir oyunçu 4 nəfəri aldadıb keçir. Gənc oyunçu Şahin Şahniyarov bu gün özünü yaxşı tərəfdən göstərdi. Ona uğurlar arazulayıram".
- 1-ci liqanın oyunlarını izləyirsiz?- Hələ ki, yox.
- Mediada yazılanılara görə, premyer-liqada komanda sayı artırılacaq və sonuncu yeri tutan I Liqanı 3-cü yerdə bitirən komanda ilə qarşılaşacaq. "Qəbələ" 1-ci liqa təmsilçisini məğlub edə biləcək gücdədi?- Bilmirəm. Dəqiq olan bir şey yoxdu. Dəqiq olsa, müzakirə edərik.
- Açıqlamalarınızda futbolçuları tənqid edirsiz. Bu, onlarda ruh düşkünlüyü yaratmır?- Onlarda mənfi fikir yaranması ilə razı deyiləm. Həmişə onlarla müzakirələr aparırıq. Hər şeyin insanın üzünə deyilməsinin tərəfdarıyam. Kimsə pis məşqçi olduğumu desə, əsəbləşəcəm, ona yaxşı məşqçi olduğumu sübut edəcəm. Oyunçular da yaxşı olduqlarını sübut etməlidi. Xarakter göstərmək lazımdı. Zəif adamlar tez ruhdan düşür. Onların hər birinə inanıram. Bu gün gənc futbolçunu meydana buraxdıq. Sanki 20 ildi bu komandada oynayır. Özünü çox yaxşı göstərdi.
- Penalti gözlədiyiniz epizodlar oldu. Həmin epizodlar haqda fikrimiz necədi?- Hakimlər haqda danışmayacam. Çünki, mənası yoxdu. Biz də penalti olduğunu gözləyirdik.