“Oyuna yaxşı hazırlaşmışdıq. Həftə ərzində baş tutan məşq proseslərində futbolçular istəkli idilər. Bu matçda qalib gəlmək istəyirdik. Əfsuslar olsun ki, qələbə qazana bilmədik. Bu oyunda rəqiblə xal fərqini azaltmaq istəyirdik. Amma biz istədiyimiz kimi olmadı. Oyunun qırılma nöqtəsi başqa hadisənin baş verməsi olur ki, bundan sonra ritmi itiririk. Verilməyən penaltilər oldu. Ülvi İsgəndərovun başı yarılmalıdır ki, 11 metrlik cərimə zərbəsi təyin olunsun? Bizə fərqli qərar verirlər. Azarkeşləri də başa düşürük. Ötən il başqa səviyyədə “Qəbələ” var idi”.

“Emil Səfərov gənc oyunçu mərhələsini keçib. Millinin futbolçusu çempionat matçında həyəcanlanırsa, onun inkişafında problem olacaq. Amma belə olmadığını düşünürəm. Daha yaxşısını etmək üçün toparlanmalıdı. Heyətdəki rotasiyalar normaldı. Hansısa duetin müdafiədə daha yaxşı olacağına ümid edirik. Bugünkü məğlubiyyətin səbəbi müdafiə olmamalıdı. Heyət o qədər də aciz deyil. 24 turda 9 dəfə azlıqda qalmışıq. Problem özümüzdədi. Komanda “dişini göstərməlidi”. Hələ heç nə itməyib. Meydanda xarakter göstərməliyik. Komandamın iradəsini göstərəcəyinə inanıram”.