"Sirr deyil ki, "Zirə" 15 oyundu məğlub olmayan bir komanda idi. Kağız üzərində onlar güclü idi. Hətta birinci oyundan sonra 70 faiz azarkeş bir təsadüf olduğunu və cavab görüşünün tam fərqli keçəcəyini düşünürdü. Amma birinci oyunun ssenarisini ikincidə də təkrarladıq. Ciddi hazırlaşmışdıq. Rəqibi təhlil etdik. Əvvəlcədən bilirdik ki, oyun gözlədiyimiz kimi davam etsə, onlar qapıçı əvəzinə meydana oyunçunu buraxacaq. Biz də buna hazır olduq, hətta son məşqlərimizi ona uyğun keçdik. Uşaqlar dediyim tapşırıqları yerinə yetirdi. Ona görə də nəticə bu cür oldu. Xüsusi qeyd edim ki, qapıçımız peşəkar futbolçu olmasa belə, son iki matçı möhtəşəm keçirdi. Və bizə çox kömək oldu. Ona böyük təşəkkür düşür. Yarımfinalda "Real Bakı" ilə qarşılaşacağıq. Onların da əzmkar heyəti var. Yaxşı hazırlaşmalıyıq. Bu möhtəşəm qələbədən sonra uduzmaq olmaz. Bizim mənfi tərəfimiz odu ki, güclü komandalarla yaxşı, zəiflərlə isə pis oynayırıq. Yəni qeyri-sabitlik var. Mən də çalışacam əsas bu cəhəti aradan qaldırım. "Birbaşa Bakı" və "Zirə" başqalarından həmişə fərqlənib. Həm büdcə, həm də məşq baxımından. Biz həftədə bir və ya iki dəfə məşq edirik, onlar isə 4-5 dəfə. Həm də heyətlərinin 70 faizini yığmanın üzvləri təşkil edir. Ona görə də "Zirə" və "Birbaşa Bakı" çempionatın bəzəyi, ən səviyyəli komandalarıdı. Qalanlar isə hər biri digərindən xal almağı bacarar. Bu heyət məni tam qane edir. Hansısa bir uğur qazansaq da, onlarla davam edəcəm. Bacardığım qədər komandamızın 80 faizini qoruyub saxlayacam. Xırda dəyişikliklər ola bilər. Futbolçularımın hər birindən razıyam. Təkcə son nəticələrə görə yox, hətta uduzduğumuz oyunlardan mən onların potensialını, bacarıqarını görmüşəm. Çalışacam ki, Avroliqaya bu yolda əziyyəti keçən uşaqlarlar getsin".