"Turnirdə 26 komanda iştirak edirdi ki, onlar beşində 4, ikisində 3 təmsilçi olmaqla 7 qrupa bölünmüşdü. Düzdü, biz ilk iki oyunda məğlub olduq. Lakin bu, hər şeyin başa çatması deyildi. Çünki 3 komandanın mübarizə apardığı qrupların sonuncusu digərlərindən birinin lideriylə pley-off matçına çıxmalıydı. Bunun səbəbi 4 komandanın mübarizə apardığı qrupların 1 matç artıq oynamasıydı. Daha dəqiq desəm, məqsəd oyun sayını bərabərləşdirmək idi. Belə ki, pley-off sınağında qalib gəlsək, rəqibi mübarizədən kənarlaşdırmaqla yanaşı, növbəti tura yüksələcəkdik. Belə də oldu. "Today Hidrokres"i (Slovakiya) məğlub etdik (3:2). Nəticədə 1/8 finala vəsiqə qazandıq. Şükür Allaha, 3-cü yeri tutduq. Amma ilk iki matçda məğlub olduğumuz üçün növbəti matçlar çox çətin oldu. İstəmədən işimizi ağırlaşdırmış olduq. Xeyli enerji sərf etdik. Əslində daha irəli gedə bilərdik. Çünki qrupdan rahatlıqla çıxsaq, zəif rəqiblərlə qarşılaşacaqdıq. İnanıram ki, növbəti yarışlarda daha yaxşı nəticələrlə azarkeşlərimizi sevindirəcik".