“İstefa barədə əvəlcədən xəbərim olmayıb, mənim üçün də gözlənilməz oldu. Dedilər ki, Azər Bağırov istefa verib. Əlbəttə, bu işə qarışa bilmərəm. Rəhbərliklə baş məşqçi arasında olan qərardı. Azər müəllim yaxşı komanda qurub. Onunla işləmək xoş idi. Elmar Baxşıyev də tanıdığımız, işini bilən məşqçidi. İnanıram ki, komandanı bacardığı qədər yüksək pillələrə qaldıracaq. Təbii ki, birlikdə. Məşqçilər korpusuna köməkçi məşqçilər gətirib. Rasim Ramaldanov və Xaqani Məmmədov tanıdığımız insanlardı. Məşqçi heyəti nə qədər geniş olsa, iş əmsalı da o qədər keyfiyyətli olar. Qısası, işimə davam edirəm”.

“Mövsümün əvvəlində çalışıb-vuruşub yaxşı komanda qurduq. Sonlara yaxın vəziyyət dəyişdi. Artıq rəqiblərə qarşı yaxşı hücum qura bilmirdik. Bu, çox klubda olur. Azər müəllim düzəltməyə çalışsa da, alınmadı. Sonda istefa verdi. Sirr deyil ki, qısa vaxtda yığılan komandanın rahat futbol oynaması, özünəməxsus sxem qurması məşqçi üçün böyük uğurdu. Sona yaxın həmin sxem pozuldu. İstefasının dəqiq səbəbini bilmirəm. Niyəsini Azər müəllim özü yaxşı bilir. Gələcəkdə imkanım olsa, yenə onunla işləyərəm. Yolumuz yenidən kəsişə bilər. Mənim üçün xoş idi. Həm gözəl insan, həm də yaxşı çalışdırıcıdı. Bunu da bir il ərzində sübut etdi. Reallığı dəyişmək isə mümkün deyil”.