Alveş ilk açıqlamasını verdi və sonra da təkzib etdi
Zorlama faktına görə 4,5 illik həbs cəzası alan, amma girov qarşılığında azadlığa buraxılan Dani Alveş normal həyata döndükdən sonra ilk dəfə mətbuata açıqlama verib.
Xatırladaq ki, ''Barselona'' və Braziliya yığmasının sabiq ulduzu 14 ay həbsdə qaldıqdan sonra 1 milyon avro girov qarşılığında azadlığa çıxmışdı. O, İspaniyanın ''Mundo Deportivo'' nəşrinə bunları deyib:
''Həbsxanaya artıq uyğunlaşmışdım. Mən harda oluramsa olum, həyatda qalıram. Hər şeyə və hər vəziyyətə uyğunlaşmağı bacarıram. Çünki mənim üçün insanı insan edən onun olduğu məkan deyil. Hər cümə günü məhkəməyə getmək məcburiyyətindəyəm. İndi oynamalı olduğum əsas qarşılaşma məhz budu və bu oyunun nə qədər davam edəcəyini bilmirəm''.
Maraqlıdı ki, çox keçmədən ''sambaçı'' bu sözləri təkzib edib. O, ''instaqram''da paylaşım edərək heç bir mətbu orqana açıqlama vermədiyini və məhkəmə prosesi tamamlanmayana qədər də açıqlama verməyəcəyini bildirdi. Buna cavab olaraq isə ''Mundo Deportivo''nun əməkdaşları Alveşlə harda görüşdüklərini və və hətta onun əynində nə olduğunu da açıqladılar. Görünür, sabiq ulduzun hələ də psixoloji durumu qaydasında deyil.
ƏLİ
Digər xəbərlər
