“Marca” qəzetində Lionel Messi ilə bağlı maraqlı xəbər yayılıb.

“İnter Mayami”nin ulduz futbolçusu bu il təşkil ediləcək Yay Olimpiya Oyunlarında iştirak edə bilər.

“Marca”nın yaydığı xəbərə görə, Argentinanın U-23 yığmasının baş məşqçisi Xavyer Masçerano Messi ilə yanaşı, “Aston Villa”nın qapıçısı Emiliano Martinesi və “Benfika”nın müdafiəçisi Nikolas Otamendini də Olimpiada üçün komandaya dəvət edəcək. Lakin MLS matçlarının yay aylarında da keçirilməsinə görə Messinin Olimpiadada iştirakla bağlı çətinliyi ola bilər. Ancaq xəbərdə 36 yaşlı hücumçunun Masçeranonun təklifindən imtina etmədiyi də bildirilib.

Xatırladaq ki, Yay Olimpiya Oyunları iyulun 26-dan avqustun 11-dək Fransanın paytaxtı Parisdə keçiriləcək.