Lionel Messi və Anxel Di Mariya ilə bağlı maraqlı xəbər yayılıb.

Argentina millisinin futbolçuları Parisdə keçiriləcək Yay Olimpiya Oyunlarında çıxış etməyi planlaşdırırlar.

“Dsports”un yaydığı xəbərə görə, Argentina yığması turnirə vəsiqə qazana bilsə, Messi ilə Di Mariya böyük ehtimalla Olimpiadada çıxış edəcəklər. Onların öz ölkələrinin olimpiya yığmasında növbəti uğur qazanmaq arzusunda olduqları qeyd edilir.

Xatırladaq ki, təcrübəli futbolçular hələ gənc yaşlarında olimpiya çempionu olublar. Onlar 2008-ci ildə Argentina yığmasının Pekin Olimpiadasında qalib gəlməsində böyük rol oynayıblar.