Millimizin azarkeş qrupu "Göyqurdlar" yığmanın kapitanı Emin Mahmudovun onlara hədiyyə etdiyi imzalı formanı hərraca çıxarıb.

"Football-plus.az" xəbər verir ki, "instaqram"da yerləşdirilən elan bu sözlərlə yayınlanıb: "Formanın satışından gələn bütün gəlir YAŞAT fonduna ianə ediləcək. Start məbləği 50 manatdı. Hərrac aprelin 9-na qədər davam edəcək"

Futbolun İnkişaf Fondunun icraçı direktoru Tural Piriyev forma üçün 100 manat təklif edib. Lakin hərrac azarkeş qrupunun, sadəcə, rəsmi "instaqram" səhifəsini əhatə etdiyindən, təklif qeydə alınmayıb. Bundan başqa, forma üçün 55, 60, 75, 110 manat ödəmək istəyənlər də var. Qeyd edək ki, hazırda ən yüksək təklif 151 manatdı.

KƏNAN BAHADIR