Misli premyer-liqasının 28-ci turu mübahisəli hakim qərarıyla yadda qaldı.

“Football-plus.az” xəbər verir ki, belə ki, “Sumqayıt” – “Araz-Naxçıvan” (1:0) görüşündə baş hakim Kamranbəy Rəhimovun qonaqların qapısına təyin etdiyi absurd penalti qərarı ictimaiyyət arasında narazılıq doğurdu. Epizodun yenidən VAR-da baxılmaması, orda outran Cavid Cəlilovun da referini dəstəkləməsi anlaşılan deyil. Muxtar Respublika təmsilçisinin baş məşqçisi Azər Bağırov isə oyunsonrası mətbuat konfransında hakim qərarlarıyla bağlı narazılığını bildirərək, eyni hakimlərin ard-arda komandanın oyununa təyinat almasından gileylənib. Ümumiyyətlə, Kamranbəy Rəhimovun “Araz-Naxçıvan”ın oyunlarına aldığı təyinatları və cari mövsümdə baş hakim kimi iştirak etdiyi qarşılaşmaların statistikasını xatırladırıq. Maraqlıdı ki, o, sonuncu dəfə 12-ci turda “Səbail”lə “Turan Tovuz”u meydana çağırmışdı.

Kamranbəy Rəhimov “Araz-Naxçıvan”ın oyunlarında
2-ci tur. “Araz-Naxçıvan” – “Qəbələ” 2:0. VAR hakimi
4-cü tur. “Araz-Naxçıvan” – “Sumqayıt” 1:1. Dördüncü hakim
16-cı tur. “Zirə” – “Araz-Naxçıvan” 0:0. VAR hakiminin köməkçisi
17-ci tur. “Araz-Naxçıvan” – “Sabah” 2:0. Dördüncü hakim
28-ci tur. “Sumqayıt” – “Araz-Naxçıvan” 1:0. Baş hakim
Kamranbəy Rəhimovun idarə etdiyi oyunlar
3-cü tur. “Qəbələ” – “Sumqayıt” 1:2
5-ci tur. “Səbail” – “Qarabağ” 2:1
6-cı tur. “Zirə” – “Sumqayıt” 1:0
12-ci tur. “Səbail” – “Turan Tovuz” 2:1