"Qarabağ"ın baş məşqçisi Qurban Qurbanovun adı Türkiyənin superliqa təmsilçisi "Beşiktaş"la yanaşı hallanır.

Daha dəqiqi, bu kluba aid həvəskar “feysbuk” səhifələri azərbaycanlı mütəxəssisin baş məşqçi postuna gələcəyi ilə bağlı xəbərlər paylaşır. Belə paylaşımları incələyərkən müxtəlif fikirlərin şahidi oluruq.

"Football-plus.az" sizi "Beşiktaş" azarkeşlərinin seçilən rəyləriylə tanış edir.

"Bəli, baş məşqçi postu məhz bu adama tapşırılmalıdı. "Beşiktaş"ın çarəsi odu"

"Problemlərdən xilas olmağın yolu baş məşqçi deyil, klub doğru strategiya ilə idarə olunmur. Düzdü, Qurban bəy ideal seçimdi, lakin təklif edilsə, qəbul etməyəcək. Özünüzü rəzil etməyin".

"Beşiktaş" onun dəyərini bilməz. Bu məşqçinin böyük tələbləri var. Məsələn, uzun müddət, futbolçu seçimində azadlıq... Klub belə sadə istəklərdə belə ona şans verməz, nəinki daha ciddi tələblər"

"Qurban bəy belə səhv etməz. O, "Qarabağ"da xoşbəxtdi. Adamı rahat buraxın!"

"Onun "Qarabağ"ı var. Hər il asanlıqla Çempionlar Liqasına vəsiqə qazanır. Türkiyədə bu turnirə qatıla bilməsi üçün illər lazım olacaq. Bu qədər vaxt itirməkdənsə, hər mövsüm avrokuboklarda daha irəli gedər. "Beşiktaş" ona heç cür sərf etmir"

"İnşallah, bu, doğru xəbər olmaz. Mən yenicə "Qarabağ" azarkeşi olmuşam"

"Gəl, Qurbanov, "Beşiktaş" məhv olur"

"Qurban bəy, şirin vədlərə aldanmayın. Burda sizə 16 il yox, 16 həftə belə şans verməzlər. Ya "Qarabağ"da qalın, ya da Almaniya, İtaliya, Hollandiya kimi ölkələrə yollanın"

KƏNAN BAHADIR