“Napoli ilə qarşıdakı matç komandamız üçün mövsümün ən vacib oyunu olacaq? Bəli. Biz həvəsliyik. Dörd ildi 1/4 finalda iştirak etmirik. Bu mövsüm çətinliklərlə üzləşsə də, İtaliyanın son çempionu statusuna malik komanda ilə oynayacağıq. “Napoli” yeni baş məşqçi ilə daha yaxşı və dinamik olub. Zədələrimiz çoxdu, amma mübarizə aparmalıyıq. İlk oyunda daha yaxşı idik. 1/4 finala çıxmaq şansımız yüksəkdi”.

“Biz təqaüdə çıxandan sonra dost ola bilərik. O, qolf oynamağı sevir, amma mən sevmirəm. Padel oynayıram. Bəlkə Qvardiola da padel oynaya bilər”.

“Sarri ilə vidalaşmağımız tam gözlənilməz oldu. Baş məşqçi mənə ona qarşı satqınlıq edildiyini düşündüyünü dedi. Bu haqda kimdən soruşaq?”

“Mançester Siti” favoritdi? Hərənin öz fikri var. Mənə görə, bu cütdə favorit yoxdu, şanslar bərabərdi. Əvəzçıxma? Qarşıda belə xarakterli duel olmayacaq. Şəxsən mən ötən mövsümdəki məğlubiyyətin əvəzini çıxmaq haqda düşünmürəm (MS yarımfinalda “Real”a iki oyunun ümumi nəticəsinə əsasən 5:1 hesabıyla üstün gəlib – R.Y.). Biz bu rəqiblə oyunları yalnız yarımfinala çıxmaq şansı kimi dəyərləndirəcəyik. Başqa heç nə. MS çətin rəqibdi. Lakin biz 1/4 finaldayıq və bu mərhələdə asan rəqib ola bilməz. Əsas məsələ turnirdə qalib gəlməkdi. Qalib gəlmək istəyirsənsə, ən güclü komandanı məğlub etməlisən. Bəlkə də “Siti” bizim üçün ən yaxşı variantdı. Çempionlar Liqasının qalibi olmaq istəyiriksə, “Mançester Siti”ni məğlub etməliyik. Hər iki komandada böyük nikbinlik hökm sürür. Biz də mübarizə aparmaq istəyirik. Əminliklə deyə bilərəm ki, “Real” qələbə üçün əlindən gələni edəcək”.

“Yaxınlıqda olan hər kəs qarşıda baş verəcək istənilən mənfi hadisəyə hazır olmalıdı. İndiki nəsil tam başqadı: onlar “instaqram” və digər sosial şəbəkələr dövründə yaşayırlar. Gənc futbolçular həm də bu amilə görə böyük təzyiq altında oynayırlar. Çünki bu dünyadan özlərini təcrid edə bilmirlər. Özlərini dörd divar arasına sala bilməzlər. Bu, futbolun çağırışıdı. Bu oyunçular sosial şəbəkələrin psixoloji təzyiqinə 10, 12 və daha çox il tab gətirə bilsələr... Bəli, təzyiq çox böyükdü. Belə ağır yükü isə nadir oyunçular çəkə bilir”.

“Oyunlarımız artıq Çempionlar Liqasında ənənəyə çevrilir. Biz bu turnirdə ardıcıl üçüncü mövsüm kral sayılan “Real”la qarşılaşacağıq”.

“Əl-İttifaq”da keçirdiyim 5 ay ərzində özümü yenidən kəşf etdim. Motivlərim nələrdi? Futbolu nə üçün oynayıram? İndi futbolun qanımda olduğunu daha yaxşı hiss edirəm. Səudiyyə Ərəbistanı liqası inkişaf edir, amma hazırda mənə uyğun turnir deyil”.

“Onun qərarına hörmət edirəm. Hər kəs qərarını özü verməlidi. Amma həmişə milli komanda üçün üç prinsipin olduğunu deyirəm. Birincisi, oyunçu yığmada oynaya bilər, ikinci prinsip həmin oyunçunun milli komandada oynamaq istəməsi, üçüncü prinsip isə məşqçinin ona dəvət göndərməsi ilə bağlıdı. Ən vacib amil istəkdi, yəni oyunçu yığmada oynamaq üçün heç bir şərt və tələb irəli sürməməlidi. Başqa futbolçular kimi bərabər hüquq və vəzifələrə malik olmalıdı. Mən indiyədək Diasa heç nə deməmişəm. Ona ya dəvət göndərirəm, ya da göndərmirəm. Braim aşağı yaş qruplarından olan milli komandalarımzda daha çox mənim rəhbərliyim altında çıxış edib. Ona bundan sonrakı karyerasında uğurlar diləyirəm. Diasın Mərakeş yığmasında oynamağı seçmək qərarına hörmətlə yanaşıram”.

“Yürgen Kloppun məşqçi kimi Arsen Vengeri arxada qoyduğunu demək olar. Ona görə ki, həm premyer-liqanın, həm də Çempionlar Liqasının qalibi olub. İngiltərə kubokunu və Liqa kubokunu da qazanıb. Venger üç dəfə İngiltərə çempionu olub və onun məğlubedilməz komandasını hamı yaxşı xatırlayır. Amma həmin “Arsenal” Çempionlar Liqasının finalında “Barselona”ya məğlub olub. Bu isə Klopp ilə Venger arasındakı yeganə fərqdi. Amma rəqib amilini də nəzərə almaq lazımdı. Çünki Venger uzun illər ser Aleks Ferqyusonla rəqabət aparıb. Onlar arasında inanılmaz dərəcədə böyük rəqabət olub. Bunu müasir dövrdə yalnız Klopp və Qvardiolanın duelləri ilə müqayisə edə bilərəm. Bizə belə rəqabət həmişə lazımdı. Premyer-liqa belə qarşıdurmadan yalnız qazana, səviyyəsini daim artıra bilər”.

“Bu nə biabırçılıqdı? Bu şarlar artıq məni təngə gətirib. Ötən mövsümdəki püşk, demək olar ki, təkrarlanıb. Yalnız “Liverpul”un yerini “Arsenal” tutub. Biz ötən mövsüm başverənləri xatırlamağa, turnirin finalına çıxdığımızı bir daha dərk etməyə çalışacağıq. Bəli, “Real” Çempionlar Liqasında titul sayına görə hamıdan öndədi, bu turnirdə daha sabit çıxış etməyi bacarır. Əksər hallarda son mərhələlərə qədər irəliləyir. Amma biz də özümüzü güclü komanda sayırıq və bu mövsümü də əla keçiririk”.

“Siti”ni bu komandada istədiyim qədər oynamaq imkanım olmadığı üçün tərk etdim. Bu səbəbdən indi “Çelsi”dəyəm. Xoşbəxtlikdən, yayda doğru qərar vermişəm”.

“Ben milli komandaya çağrılmamasını istəyib. Bu, onun üçün çox ayıb sayılan haldı. Mən Beni bir futbolçu kimi çox xoşlayıram. Qətərdə keçirilən dünya çempionatından sonra onunla əlaqə saxlamışdım. Beni yığmada görmək istəyirdim”.

“1/4 finalda Avropanın ən yaxşı komandalarndan biri ilə oynayacağıq. “Arsenal” artıq ikinci mövsümdü sabit şəkildə güclü oyun nümayiş etdirir. Əsl kollektivi xatırladan təhlükəli komandadı, həm də çox qol vurur. Amma bu rəqibə qarşı duellərə hazır olacağıq. Nəyə qadir oduğumuzu yaxşı bilirik”.

“Avropa çempionatı başlamazdan əvvəl Almaniya Futbol İttifaqından mənə uyğun olan müqavilə təklifi alsam, onu qəbul etmək ehtimalı çox yüksək olacaq”.

“Mən heç vaxt “heç vaxt” demirəm. Əlbəttə, orda ödənilən pullar və başqa amillər çoxları üçün çox cəlbedicidi. Kriştiano Ronaldo hər kəs üçün Səudiyyə Ərəbistanına yol açdı. Belə yüksək səviyyəli futbolçular bundan sonra da Asiyaya yollanacaqlarsa, Səudiyyə Ərəbistanı çempionatının səviyyəsi daim yüksələcək. Amma mənim üçün İngiltərə premyer-liqası ən yüksək səviyyəli liqadı. Bu liqada mümkün qədər uzun müddət oynamaq istəyirəm”.

“Mənim üçün hər şey aydındı. “Liverpul”u Avropa Liqasının əsas favoriti sayıram”.

“Fikrimcə, Mourinyo “Barselona”nın başına keçməyi düşünür. Vaxtilə bu klubda məşqçi köməkçisi kimi çalışıb. İspaniya çempionatına yaxşı bələddi. İndi bu liqaya qayıtmaq istəyir. Jozenin əsas məqsədinin bu olduğuna əminəm”.

“PSJ-də çox xoşbəxtəm. Kluba qoşulduğum gündən prezident və idarə heyəti tərəfindən özümə qarşı sevgi hiss etmişəm. Hamımız uzunmüddətli layihə üzərində işləyirik. Hələ ki işlərimiz yaxşı gedir”.

“Bu nə biabırçılıqdı? Bu şarlar artıq məni təngə gətirib”.