Gözlənildiyi kimi, “Formula-1” üzrə dünya çempionatının Ciddə mərhələsində də Maks Ferstappen hamını qabaqladı.

"Football-plus.az" xəbər verir ki, “Red Bull”un niderlandlı pilotu qələbənin ardından həmkarlarımızın bəzi suallarını cavablayıb.

- Belə görünür ki, yarış sizin üçün ideal keçdi.
- Çox yaxşı yarışdı. Təhlükəsizlik maşını trassda görünəndən sonra aydın oldu ki, boksa yollanmaq lazımdı. Finişə qədər çox uzun yol qət etməli olacağımı anlayırdım, demək olar ki, hər kəs eyni cür hərəkət etdi. Maşın bütün həftəsonu boyunca özünü çox yaxşı apardı, bəlkə də gözləniləndən də yaxşı. Və əlbəttə, bu qələbəyə görə çox sevinirəm.

- Hətta Bəhreyndəki qələbədən də çox sevinirsiz?
- Həmin yarış da çox yaxşı idi. Odu ki, demək çətindi. Çox fərqli ssenarilərdi. Burda təkərlər, demək olar ki, yeyilmədi, Bəhreyndə isə sürtünmə hədsiz yüksək idi.

- “Formula-1” yarışlarında 100-cü dəfə fəxri kürsüyə qalxdız, hərçənd cəmi 188 yarış keçirmisiz. Möhtəşəm göstəricidi! Bu haqda nə düşünürsüz?
- Düşünürəm ki, 88 fəxri kürsünü boşa vermişəm! Yox, əlbəttə, buna görə şadam, ancaq statistikaya baxmağı o qədər də xoşlamıram. Gələcəkdə də hər yarışda maksimal dərəcədə yüksək nəticəyə nail olmaq istəyirəm.

- İrəlidə sizi Avstraliya mərhələsi gözləyir. Albert-parkdakı trass nə dərəcədə çox fərqlənir?
- Bu, tam başqa trassdı, xüsusən də indi – yeni konfiqurasiya və yeni asfalt ilə. Bu həftə simulyatorlarda Melburna gedənə qədər optimal tənzimləmələri tapmağa çalışacağıq. Həftəsonu nəyin necə alındığına baxacağıq. İndi bunu proqnozlaşdırmaq çətindi.

- Lando Norrisi arxada qoyandan sonra inamla liderlik edirdiz, sizi, demək olar ki, translyasiya zamanı göstərmirdilər, kameralar qalan pilotların mübarizəsinə köklənmişdi. Bu yarışda bizim görə bilmədiyimiz hansısa çətinlikləriniz oldumu?
- Daim yüksək tempi qorumaq və bu zaman risk etməməyə çalışmaq hər şeydən çətin idi. Ancaq maşın elə cümə günü özünü yaxşı göstərdi, mənə hər şey çox rahat gəldi.

- Helmut Markoya dəstək sözlərinizin və ona sadiqliyinizin davamı kimi demək istəyirəm. Kənardan belə görünür ki, siz “Red Bull”dan indi və ya bu mövsümün sonunda getsəz, potensial baxımından minimum bir, hətta bəlkə daha artıq dünya çempionu titulundan imtina edərdiz...
- Həmişə demişəm ki, ən vacib olan komandanın işi və burdakı atmosferdi. Bütün bu şəraitlə bağlı ən müsbət məqam mühitin çıxışımıza pis mənada təsir etməməsidi. Deməli, “Red Bull” çox güclü komandadı.