“Meydan sahibləri oyuna güclü start versə də, mühərrik tezliklə dayandı. İlk oyunda olduğu kimi, bu dəfə də 0:2 hesablı məğlubiyyətdən çətinliklə yaxa qurtardıq. Yaxşı ki, Şikin dublu “aspirinlər”i biletə qovuşdurdu. Xabi Alonsonun komandası xüsusilə ilk hissədə yaxşı oyun göstərmədi. “Qarabağ” bu dəfə Patrik və Toralın yerinə Elvin və Romaonun gücünü göstərmək istəyirdi. Lakin onlar ilk dəqiqələrdə özünü itirmiş vəziyyətdə idi. “Bayer-04”ün sabiq futbolçusu Lunyov, sadəcə, dayanmışdı. Bəlkə də donmuşdu... Qonaqların bütün çatışmazlıqlarına baxmayaraq, bizimkilər ilk 10 dəqiqədəki tempi qoruyub-saxlaya bilmədi. Nəticədə Azərbaycan çempionu hücum cəhdlərində daha cəsarətli oldu. Onlar sürətli gediş və təhlükəli zərbələrə nail olduqdan sonra təhlükə saçmağa başladı. Qəribə səslənsə də, bir çox hallarda bundesliqa liderinin tempi çatışmırdı. Belədə leverkuzenlilərin oyunu qeyri-dəqiq oldu və qol buraxdıq. İrərliləyən dəqiqələrdə “Qarabağ” azlıqda qaldı və nəhayət, “Bayer-04” özünü tapdı. Juninyo almaniyalılarla hər iki oyunda matçın adamı oldu. O, buz kimi görünürdü. Braziliyalı oyun tərziylə “aspirinlər”i, sadəcə, mövsümün ilk məğlubiyyətini yaşamaqla yox, həm də Avropa Liqasından qovmaqla hədələyirdi. Yəqin ki, bu oyun Xabi Alonsonun zarafatlarından biri idi! Maraqlı sual: “Qarabağ” azlıqda qalmasa, nə olacaqdı?”

“Az qala xəcalətlə üzləşəcəkdik. Hər şey bir neçə dəqiqədə həll olundu. “Aspirinlər” inanılmaz geridönüş etdi. Şik zədədən yeni qayıtmağına baxmayaraq, böyük döyüş gücüylə sensasiyalı nokautun qarşısını aldı. Frimponqun bizi xəndəkdən xilas etdiyini də unutmayaq. Yoxsa Zubir və Juninyo leverkuzenliləri dəfn edəcəkdi. Lakin buna görə Xabi Alonsonu qınamalı deyilik. Onun indiyə qədər öhdəsindən gəldiyi və bundan sonrakı çətinliklər başqa nəyəsə vəd vermirdi. Heyəti daha güclü etmək üçün dəyişikliklər vacib idi. O, hələ Avropa Liqasını, bundesliqanı və Almaniya kubokunu qazanmalıdı. “Qarabağ” iddia olunduğu qədər asan rəqib deyil. Qafqazlılar fərqli oyun göstərir. Elvin Cəfərquliyev qırmızı vərəqə alana kimi düşünürdük ki, rəqibin futbolçuları “Bayer-04”dən sayca çoxdu. Onların dirənişi bunu deməyə əsas verir”.

“Xabi Alonsonun komandası Azərbaycanın ən güclü klubuna məğlub ola bilərdi. Yaxşı ki, leverkuzenlilərin həlledici qolları köməyə çatdı. Bəli, bu yalnız “Qarabağ”a qarşı baş verir. Son vaxtlar yenilməz komandaya qol vurmaq şərəfinə təkcə azərbaycanlılar nail olur. “Bayer-04” isə cari mövsümdə 80-ci dəqiqədən sonra 20 qol vurub. Bu heyrətamizdi. Diqqətinizə çatdırım. Həmin əfsanəvi gecə bir motivi də özündə xarakterizə etdi. Biz Almaniyanın “Real”ıyla Qafqazın “Barselona”sını izlədik. Buna əmin olun. İki buz kimi adam - həm Alonso, həm də Qurbanov gələcəkdə daha böyük işlər görə bilər”.