“Ramil Şeydayev o tip futbolçulardan deyil ki, anadangəlmə istedadı və göz oxşayan oyunu ilə cəlb etsin. O, meydanda gördüyü işin həcmi ilə komandaya daha çox xeyir verir. Çalışqanlığı ilə seçilən futbolçudu. Bunu da onu yaxşı tanıyan məşqçilər bilir, potensialını açmaq baxımından səbr edir, bunun üçün şərait yaradır. Buna nümunə kimi Qurban Qurbanovu göstərmək olar. O, Ramilin hansı üstün keyfiyyətlərə malik olduğunu bildiyinə görə də səbr etdi və potensialını açdı. “Kocaelispor”un sabiq baş məşqçisi Ərtoğrul Sağlam ölkəmizdə olan tanışlarından - Rəşad Sadıqov, Qurban Qurbanov və başqalarından məsləhət almışdı. Sağlam komandadan ayrılmasaydı, bəlkə də hər şey tam fərqli olacaqdı. Yeni məşqçi Ramili tanımır. Türkiyədəki azarkeşlər bir qədər səbirsizdi. Anındaca nəticə istəyirlər. Orda da gözləmək üçün şərait yoxdu. Bildiyiniz kimi, “Kocaelispor” superliqaya vəsiqə qazanmaq uğrunda mübarizə aparır. Məncə, Ramilin problemi bununla bağlıdı. İnanıram ki, qısa zamanda onun üçün hər şey daha da uğurlu olar”.