“Əlbəttə, “Qarabağ”ın qələbə qazanmasını istəyirəm. Bəlkə də məndən çox heç kim istəyə bilməz. Çünki rəhbərliyə böyük hörmətim var. Məşqçilər, futbolçular hər biri qardaşlarım, doğmalarımdı. Mən özüm də orda neçə il oynamışam, çörək qazanmışam. Komandamıza qələbə arzulayıram. Amma elə şeylər var ki, reallığı götürmək lazımdı. Çox ağır səfərdi. “Bayer-04” evdə çox güclüdü. Bakıdakı qarşılaşmada “Qarabağ”ın gücünü gördükləri üçün əsas heyətlə oynayacaqlarını düşünürəm. “Qarabağ”ın gücünü artıq bütün Avropa bilir. Buna görə çox ciddi hazırlaşacaqlar. Bu da bizim üçün mənfi xüsusiyyətdi. Şəxsən mən çox arzulayıram ki, bu mərhələni keçək. “Qarabağ” daha öncə olduğu kimi, yeni bir tarix yazsın. Lakin real baxsaq, şans çox azdı. Böyük hesabla olmasa da, 2:1 və ya 3:1 hesabı ilə məğlub olacağıq. “Qarabağ” əks-hücumlarda yaxşı oynayır. Onlardan istifadə etmək lazımdı. Son dəqiqəyə kimi dözmək lazımdı. İnşallah, komandamız qələbə qazanıb, ölkəmizi və dünya azərbaycanlılarını sevindirər”.