"Komanda özünə bənzəmir" - Bedri Meriç
"Qış fasiləsindən sonra komanda özünə bənzəmir".
"Football-plus.az" xəbər verir ki, bunu "Gəncə"nin baş məşqçisi Bedri Meriç "Neftçi"yə 62:97 hesabı ilə uduzduqları Basketbol Liqasının 15-ci turunun matçından sonra klubun mətbuat xidmətinə açıqlamasında deyib.
Türkiyəli mütəxəssis oyunçuların mübarizə əzmini ortaya qoya bilmədiklərini söyləyib:
"Onları toparlamağa çalışırıq. Zədəyə görə mövsümü erkən başa vuran Kenyon Dulinqin də yoxluğu təsir edir. Qarşıdakı 4 oyunda qələbə qazanmaq məcburiyyətindəyik. Başqa yolumuz yoxdu".
Baş məşqçi kubokda 1, liqada 3 görüşlərinin qaldığını vurğulayıb:
"Həmin matçlarda hədəfimiz qalib gəlməkdi. Çempionatı major notlarla başa vurmaq istəyirik. İki həftəlik fasilə var. Fasilədən maksimum yararlanmağa çalışacağıq”.
