“Gəncəni öz şəhərim kimi görürəm. Eyni millətdən olduğumuzdan burada özümü əcnəbi hiss etmirəm. İlk gəlişdən olduqca qonaqpərvər davrandılar. Təklif alanda Azərbaycan basketbolu üçün birlikdə işlər görə bilərik deyə düşündüm. Yeni komanda qururuq, lazım olan transferləri etmişik. İnşallah, Gəncəyə yaraşan, hər zaman mübarizəyə hazır olacaq döyüşkən komanda yaradacıq. Ona görə buradayıq. Basketbolçularımızın hamısı gənc oyunçulardı. Onların inkişafı və bizim dəstəyimiz sayəsində “Gəncə”ni layiq olduğu yerə gətirəcik. Bilirəm ki, azarkeşlər bizdən çox şey gözləyir. Çünki komanda ötən mövsüm iddialı olub. Bunun fərqindəyəm. Rəqiblər bizdən daha büdcəli komandalardı. Daha bahalı oyunçular alıblar. Amma mübarizə meydandadı. Ona görə kənar amillər önəmli deyil. Biz ötən mövsümkü nəticəni təkrar etməyə çalışacıq. Aqressiv, enerjili, döyüşən, mübarizə aparan komanda yaratmalıyıq. Gəncəlilərin bundan şübhəsi olmasın. Oyunu uduza bilərik, amma mübarizəni əsla. Sonuna qədər savaşacağıq. Gəncəli azarkeşlərə səslənirəm ki, bizi hər zaman dəstəkləsinlər. Gənc komandamız var. Türkiyədən iş görmək üçün bura gəlmişəm. Onlar üçün mübarizə aparacağıq, dəstəyə ehtiyacımız var”.