“Cəzalar AFFA nümayəndəsinin və baş hakimin təqdim etdiyi protokala əsasən tətbiq edilir. Məhz bu oyun prinsipial olduğu üçün belə hadisələrin yaşanacağı gözlənilən idi. Komitə olaraq, azarkeşləri tribunalardan küsdürməmək üçün müəyyən addımlar atırıq. Bilirsiz ki, ötən mövsüm belə halların cərimə 4000 manat idi. Klubların müraciətini nəzərə alaraq, 1000 manata endirdik. Çünki az sayda azarkeş başqalarını da buna sövq edir və nəticədə bir neçə nəfərə görə komandalar ağır cəzaya məruz qalırdı. “Qarabağ”ın məhz vurğuladığınız hala görə cərimələnməməsinə gəlincə, klub azarkeşlərə görə onsuz da 1000 manat ödəyəcək. Tribunaya təşrif buyuranlar bir yox, bir neçə qayda pozuntusuna yol verirsə, bunlardan ən çox cərimənin tətbiq edildiyi hal nəzərə alınır. Yenə deyirəm ki, məqsədimiz azarkeşləri tribunadan uzaqlaşdırmamaq və klubları çətin vəziyyətdə qoymamaqdı. Amma münasibətimiz yanlış anlaşılmamalıdı. Təbii ki, onlar futbolun bəzəyidi, amma belə hallar daha çox yaşandığı təqdirdə daha ağır cəza yollarından istifadə etməyə məcbur qalacağıq. Hətta tərəfdarlar üçün ayrılan tribunalar belə dəyişdirilə bilər. Futbolumuz üçün yaxşı mühit yaratmaq istəyirik. Ümid edirəm ki, bunu hər kəs nəzərə alacaq”.