“Fikrimcə, “Kəpəz” 90 faiz elitada qalacaq. Onu da qeyd edim ki, “Kəpəz” sonuncu yeri tutsa, gələn mövsüm elitada 9 komanda iştirak edəcək. Lakin 9-cu yeri tutsa, artıq 12 komanda mübarizə aparacaq. Komandanın elitada qalmasına yalnız onu sevməyən, ona qarşı olan qruplaşmalar, bəzi yazarlar və müxbirlər mane ola bilər. Düşünürəm ki, Gəncədə stadionun təmirindən sonra hər şey daha yaxşı olacaq. Çünki komandaya yerli azarkeşlərlə təmasda, ünsiyyətdə olması böyük dəstəkdi. Hazırda qapı-qapı düşüb dilənmək əvəzinə Bakıdakı stadionlarda oynamaq daha yaxşı olar. İnşallah, stadion hazır olar, “Kəpəz”in köçəri həyatı bitər. Kluba Gəncədəki biznesmenlər, iş adamları sahib çıxmalıdı. Onların yerinə də mənim nəsə deməyim düzgün olmaz”.