Uqo Kuypers “Gent”i tərk edib. O, karyerasını Amerikada davam etdirəcək.

"Football-plus.az" xəbər verir ki, belçikalı futbolçu “Çikaqo Fayr”a satılıb. ABŞ klubu 27 yaşlı hücumçuya görə 12 milyon avro ödəyib. Uqo ilə imzalanan müqavilənin müddəti 2026-cı ilin dekabrına qədər nəzərdə tutulub. Kuypers “Gent”də 2022-ci ilin yayından çıxış edirdi. Cari mövsümdə bu komandada bütün turnirlərdə 34 oyun keçirən Uqo 17 qolun və 6 məhsuldar ötürmənin müəllifi olub. Onun daha əvvəl “Mexelen”, “Olimpiakos”, “Ayaçço”, “Erqotelis”, “Serenq” və “Standard”da çıxış etdiyini də bildirək.