“Detroyt”un mərkəz oyunçusu Ayzeyya Stüart srağagün keçirilən “Finiks”lə qarşılaşmadan əvvəl rəqibin oyunçusu Dryu Yubenksə hücum etdiyinə görə həbs olunub.

"Football-plus.az" xəbər verir ki, ESPN-in yaydığı məlumata görə, qalmaqal “Finiks”in ev oyunlarını keçirdiyi “Footprint Center” arenasının tribunaaltı ərazisində baş verib. Qalmaqalın səbəbləri hələ ki açıqlanmır. Ancaq bəlli olan budu ki, Stüart Yubenksin çənəsinə zərbə vurub, onları ayıran polislər sonradan birincini həbs edib. “Finiks”in yaydığı bəyanatda Yubenksin qalmaqala səbəbkar olmadığı, bu hadisənin yolverilməz olduğu bildirilir.
Əvvəllər “Finiks”də baş məşqçi postunu tutan, hazırda “Detroyt”u çalışdıran Monti Uilyams isə rəqibin bəyanatını tənqid edib: “Hesab edirəm ki, məsuliyyətsiz bəyanatdı. Siz təfərrüatdan xəbərdar deyilsiz. Əvvəlcə informasiya toplamaq, sonra bəyanat yaymaq lazımdı”.

Uilyams basketbolçusunun tərəfini saxlasa da, bu, 22 yaşlı Stüartla bağlı ilk qalmayal deyil. Məsələn, o, 2021-ci ildə Lebron Ceymslə də tutaşmışdı, onda özü iki, əfsanəvi basketbolçu isə bir oyun buraxdı.

Yeri gəlmişkən, bu arada Lebron Ceymsin ailəsindən də maraqlı informasiya var. “Leykers” onun oğlu Bronninin gələn mövsüm komandaya qoşulması variantına baxmağa hazırdı.

Los-Anceles klubu Lebronun oğlu üçün istənilən draft-pik hüququnu xərcləməyə hazırdı. İndi Bronninin 19 yaşı var və Cənubi Kaliforniya Universitetinin komandasının heyətində NCAA liqasında çıxış edir. Lebron dəfələrlə oğlu ilə birgə rəsmi oyunda parker üzərinə çıxmaq arzusunu ictimaiyyətə açıqlayıb.

15 fevral
Orlando – Nyu-York 118:100 (27:36, 38:19, 24:22, 29:23)
Filadelfiya 76 – Mayami 104:109 (33:33, 29:27, 20:23, 22:26)
Şarlott – Atlanta 122:99 (29:31, 32:24, 35:25, 26:19)
Klivlend – Çikaqo 108:105 (25:32, 18:17, 28:27, 37:29)
Toronto – İndiana 125:127 (35:31, 36:34, 32:36, 22:26)
Boston – Bruklin 136:86 (30:15, 38:17, 33:23, 35:31)
Memfis – Hyuston 121:113 (36:21, 22:28, 26:32, 37:32
Nyu-Orlean – Vaşinqton 133:126 (31:26, 37:34, 31:38, 34:28)
Dallas – San-Antonio 116:93 (25:32, 31:19, 32:14, 28:28)
Denver – Sakramento 98:102 (27:16, 26:25, 21:30, 24:31
Finiks – Detroyt 116:100 (37:25, 33:16, 29:28, 17:31)
Yuta – Leykers 122:138 (28:34, 41:36, 23:38, 30:30
Qolden Steyt – Klippers 125:130 (30:23, 29:29, 38:34, 28:44)
16 fevral
Yuta – Qolden Steyt 137:140 (39:36, 32:48, 31:36, 35:20)
Memfis – Miluoki 113:110 (29:26, 28:31, 37:28, 19:25)
Portlend – Minnesota 91:128 (14:44, 37:22, 25:33, 15:29)