1-ci liqa təmsilçisi "İrəvan"ın işləri yolunda getmir.

"Football-plus.az" xəbər verir ki, çox ciddi maliyyə problemi yaşayan komanda dağılmaq ərəfəsindədi. Mövsümə uğurlu başlayan kollektiv indi elə durumdadı ki, bu gün keçirilən matç zamanı ehtiyat oyunçular skamyasında cəmi iki futbolçu əyləşdirə bilib. Bunlardan biri qapıçı olub.

Klubun İdarə Heyətinin sədri Zülfüqar Kazımovun gedişindən sonra vəziyyət daha da qəlizləşib. Hazırda özünə uyğun idarəçi və sponsor axtaran Qərbi Azərbaycan təmsilçisi qısa müddətdə bunu bacarmasa, fəaliyyətinə son verəcək.

Xatırladaq ki, "İrəvan" bu il 1-ci liqada iki oyun keçirib və qələbə qazanmayıb ("İmişli" 1:2, "Şamaxı" 0:2).

KƏNAN BAHADIR