"Heç vaxt oynadığımız oyun ürəyimcə deyil"
Ölkə kubokunun 1/4 final mərhələsində "Neftçi" "Sumqayıt"ı qəbul edib - 1:1.
"Football-plus.az" xəbər verir ki, oyundan sonra "ağ-qaralar"ın baş məşqçisi Miodraq Bojoviçin mətbuat konfransı keçirilib. Sizi onun fikirləri ilə tanış edirik:
“Oyuna yaxşı başladıq. Bir neçə yaxşı qol epizodumuz var idi. Eyni zamanda "Sumqayıt" da yaxşı oynayırdı. Onlara qibtə etmək üçün səbəblər var. VAR görüntüsü ilə bağlı bir neçə vəziyyət oldu. Ola bilsin ki, bu məqamlar oyunun tempini aşağı salırdı. İkinci yarı da azarkeşlər üçün maraqlı oldu. Bizim üçün bir az əsəbi keçdi. Çünki başa düşürdük ki, ikinci qolu buraxsaq, əlavə dəqiqələr oynamağa məcbur olacağıq. Yaxşı ki, buraxmadıq və növbəti mərhələyə adladıq. 15 yaşı tamam olan "Forza Neftçi" azarkeş qrupunu da təbrik edirəm. Bu gün bizə ciddi şəkildə dəstək göstərdilər".
- Lukas Melanoya şans verilmir. Bu nə ilə bağlıdı? O, sizin oyun stilinizə uyğun gəlmir?
- Melano çoxdandı ki, zədəlidi. Fiziki durumunu bərpa edir.
- Brayan Moreno və Yeqor Boqomolski hücumda yaxşı çıxış etmir. Amma əvəzedici heyətdə oynayan Ağadadaş Salyanski hər görüşdə qol vurur. Ona şans vermək olmaz?
- Ağadadaş bizimlə işləyib. Ona diqqətlə baxacağıq. Əsas heyətə cəlb edilməsi haqda düşünəcəyik.
- Mərhələ adladız. Bəs, komandanın oyunu və nailiyyət size razı saldı?
- Kubok elədi ki, cəmi 1-2 oyununuz olur. Əsas olan mərhələ adlamaqdı. Heç vaxt oynadığımız oyun ürəyimcə deyil. Daha yaxşı oynamağımızı istəyərdim. Biz layiqli şəkildə qələbə qazandıq. Oyuna diqqətli baxanlar gördü ki, oyunda qeyri-müəyyən, anlaşılmaz olan bir neçə məqam var idi.
- Rusiyada uğurlarınız daha çox kubokla bağlı idi. Azərbaycan kubokunda finala gedən yolu necə dəyərləndirirsiz? Yarımfinalda "Qarabağ"la qarşılaşacaqsız...
- Kubokda hər şey mümkündü. İnanırıq ki, yaxşı nəticə göstərə bilərik. Amma biz növbəti oyunumuzu "Araz-Naxçıvan"la oynayacağıq. "Qarabağ"la oyuna iki ay vaxt var.
- Dediniz ki, oyunda qeyri-müəyyənlik var idi. Bu, hakimliklə bağlıdı?
- Oyuna diqqətlə baxmısınızsa, məncə, bu artıq aydındı. Bu barədə mən danışmamalıyam.
Digər xəbərlər
