"Sumqayıt"la matçın rahat keçəcəyini düşünmürəm"
Ölkə kubokunun 1/4 final mərhələsində "Sumqayıt" "Neftçi"ni qəbul edib - 2:3.
"Football-plus.az" xəbər verir ki, oyundan sonra qonaqların çalışdırıcısı Miodraq Bojoviçin mətbuat konfransı keçirilib. Sizi mütəxəssisin fikirləri ilə tanış edirik:
"Sumqayıt" oyunun ilk 15-20 dəqiqəsində daha yaxşı idi. Müəyyən səhvlərimiz var idi. İlk yarının ortalarına yaxın daha yaxşı oynamağa başladıq. Bunun da nəticəsində üç qol vurduq. İkinci yarıda müəyyən səhvlər etdik. Ona görə də iki qol buraxdıq. Halbuki, qol vurmaq üçün imkanlarımız var idi. Matç 3:2 yekunlaşdı. Növbəti oyunlara dair şanslarımız daha yaxşıdı. Hər halda nəticə budu".
- İlk hissədə üç qol, ikinci yarıda zəif oyun. Nə baş verdi?
- Səbəb o idi ki, elə düşündük ki, oyunun aqibəti həll olundu. Amma oyunu itirdik. Cərimə meydançamıza yaxınlığında səhvlər etdik və qollar buraxdıq.
- "Sumqayıt"la qarşıda ardıcıl iki oyununuz olacaq. Çempionat matçı daha vacibdir, yoxsa kubokun cavab görüşü?
- Hər oyun bizim üçün önəmlidi. "Sumqayıt"la matçın rahat keçəcəyini düşünmürəm. Bir həftədən sonrakı oyun da eyni dərəcədə ağır keçəcək.
Digər xəbərlər
