"Neftçi"nin üçüncü qolu məni üzdü"
Ölkə kubokunun 1/4 finalında "Sumqayıt" "Neftçi"ni qəbul edib - 2:3.
"Football-plus.az" xəbər verir ki, oyundan sonra meydan sahiblərinin çalışdırıcısı Samir Abasovun mətbuat konfransı keçirilib. Sizi mütəxəssisin fikirləri ilə tanış edirik:
"Rəqibi təbrik edirəm. Kubokun birinci oyunu üçün həddən artıq çox gərgin və maraqlı oyun alındı. Əksər hallarda birinci oyunlar sönük keçir. Amma bu gün heç bir komanda uduzmaq istəmirdi. Sanki ən önəmli oyunlarımıza çıxmışdıq. Futbolçularımı təbrik edirəm, ikinci hissə yaxşı oynadılar. 0:3-dən sonra sınan yox, özünə inanan komanda kimi görünürdük. "Neftçi"nin üçüncü qolu məni üzdü. Kadrlara baxdım. Bəlkə bizdəki kadrlar məni yanıldır. Amma məncə orada top çıxmışdı. İkinci oyunumuz var. Yeni meydançamızda oyuna çıxacağıq. İnanıram ki, bu cür oyun sumqayıtlıların oyuna daha çox gəlməsinə səbəb olar".
- İlk yarıda nə çatmadı?
- İlk yarıda orta xətti rəsmən əldən verdik. Belə təzyiq gözləyirdik. Buna hazır idik. Təzyiqdən çıxa bilmədik. Oyunumuzu rəqibin meydançasına oturda bilmədik. Dəyişikliklərə də ona görə getdik. Bəzi epizodlarda daha yaxşı oynadıq.
- "Kapital Bank Arena"da son oyuna çıxdınız. Burada sizin üçün ən vacib xatirə hansıdır?
Sırf oyuna köklənmişəm, oyundan çıxmışıq, fikrim oyunda idi. Çox çətindi. Burda "Qarabağ"ı yarımfinalda keçmişdik. Özüm burda yox idim. "Qarabağ"ı keçməyimizin səbəbi də, sırf mənim burda olmamağım idi (gülür). Uşaqlar rahat oynayıb, keçdilər. Bu xəbəri səfərdə olanda almışdım. Burda yaddaqalan, yaxşı oyunlarımız olub. "Sumqayıt"ın bu stadionda yaddaqalan matçları çoxdu. Sadəcə onların içində oyun seçməyim üçün gərək mənə vaxt verəsiz.
Digər xəbərlər
