“Əvvəlki açıqlamalarda qeyd etdiyim kimi, bu stadionun yoxlanılması, təftişi və başqa məsələlərdə PFL ilk gündən, tam yaxından iştirak edib. Sevindirici haldı ki, klub biz tərəfdən verilən təlimatları, demək olar ki, yerinə yetirib. Gördüyünüz kimi, oyun da bayram əhval ruhiyyəsində keçdi, xüsusi açılış mərasimi oldu. Daha bir sevindirici məqam odu ki, Sumqayıtda artıq premyer-liqa oyunlarını qəbul etməyə hazır olan, azarkeşlərin tələblərinə cavab verən, yaxşı səviyyədə stadion var. Bizim üçün də vacib hadisədi ki, stadionlarımızın sayına daha biri əlavə olundu. Bundan başqa, “Sumqayıt” tarixi stadionuna köçdü. Məncə, hər şey yaxşı idi. Yəni futbol adına, şəhər ictimaiyyəti adına, PFL, AFFA, klub adına böyük bir hadisə idi. Doğrudu, həmişə təşkilatçılıqda çatışmayan müəyyən detallar olur, amma biz bunu görürük. Artıq bununla bağlı klubu da məlumatlandırmışıq. Həmin kiçik detalları növbəti oyunlarda aradan qaldıracaqlar. Böyük problemlər deyil, sadəcə, işlərin daha da yaxşılaşdırılması üçün verilən tövsiyələrdi. Ümumilikdə həm “Sumqayıt”ı, həm də onun azarkeşlərini bu əlamətdar hadisə münasibətiylə təbrik edirəm”.

“Hər şey qaydasındaydı. Onsuz da orda PFL-in yoxlaması var idi. Biz tətəfdən hansısa narazılıq yoxdu. Hesab edirik ki, yayın üçün hər şey səliqəli və lazımi keyfiyyətdə idi”.