Fevralın 2-3-də Qətərdə keçirilən 18-ci Asiya Kubokunun (AK) 1/4 final oyunları baş tutdu.

"Football-plus.az" xəbər verir ki, İordaniya, Koreya, İran və Qətər yığmaları yarımfinalda oynamaq hüququ qazandı.

1/4 final
Tacikistan – İordaniya 0:1
Xanonov, 66-öz qapısına.
Tacikistan: Yatimov, Nazarov, Curabayev, Safarov, Xanonov, Şukurov, Umarboyev, Pancşanbe, Mabatşoyev, Calilov (Hamrokulov, 77), Samiyev (Soirov, 29/Ayni, 82).
İordaniya: Layla, Əl-Ərəb, Əl-Hacalin, Nəsib, Əl-Mardi (Əbu Haşiş, 79), Əl-Ravabdeh (Sadeh, 70), Ayed (Əl-Avadat, 88), Həddad, Olvan, Əl-Tamari (Əbu Calmuş, 90+6), Əl-Naymat (Avad, 88).
Qitə çempionatının debütantı olan Tacikistan yığması 1/4 finala qədər irəliləməklə tarixində ən yaxşı nəticəyə nail olmuşdu. Amma İordaniya səddini keçmək postsovet məkanından olan ölkənin komandasına nəsib olmadı. 66-cı dəqiqədə ərəblərin yerinə yetirdiyi künc zərbəsi zamanı müdafiəçi Nəsibin başla müdaxiləsindən sonra top Xanonova dəyərək qapıdan keçdi. Avtoqolla qalib gələn İordaniya yığması tarixində ilk dəfə pley-offa çıxandan sonra yarımfinalda da oynayacaq.

Avstraliya – Koreya 1:2, əlavə vaxtda
Qudvin, 42 – Hi Çan Hvan, 90+6-p. Son Hın Min, 104.
Avstraliya: Rayan, Atkinson (Miller, 63), Metkalf (Makqri, 70), Roulz, Suttar, Behiç, Bakkus (O’Nil, 70), Boyl (Bercess, 87), İrvin, Qudvin (Bos, 73), Dyuk (Fornaroli, 93).
Koreya: Co Hyun U, Kim Te Hvan (Yan Hyon Çjun, 85), Kim Min Ce, Kim Yon Qvon, Sol Yon Vu, Pak Yen U (Pak Çjin Sob, 106), Hvan İn Bom (Hon Hyon Sok, 77), Li Kan İn (Çon Sın Hen, 120+2), Hi Çan Hvan (O Hen Qyu, 106), Ço Qe Son (Li Ce Son, 70), Son Hın Min.
Koreya yığması tunirdə növbəti dəfə əzmkarlıq nümayiş etdirdi. Avstraliyaya məğlubiyyətdən əsas vaxtın son saniyələrindən xilas olan Yürgen Klinsmannın komandası əlavə vaxtda daha bir qol vuraraq sensasiyaya imkan vermədi.

İran - Yaponiya 2:1
Mohebi, 55. Cahanbaxş, 90+6-p. – Morita, 28.
İran: Beyrənvand, Mohəmmədi, Xəlilzadə, Kənani, Rezaeyan, Ezzatolahi, Qoddos (Çeşmi, 90+8), Mohebi (Torabi, 90+8), Ebrahimi, Cahanbaxş, Azmun (Ənsarifərd, 90+8).
Yaponiya: Sudzuki, Maykuma, İtakura, Tomiyasu, İto, Morita (Hosoya, 90+8), Endo, Kubo (Mitoma, 67), Maeda (Minamino, 67), Doan (Asano, 68), Ueda.
Ər-Rayyan şəhərində keçirilən matçda isə İran yığması əzmkarlıqla yadda qaldı. Amir Qalenoinin komandası favorit statusunu daşıyan Yaponiyanı əlverişli imkanlardan yararlana bilmədiyinə görə sərt cəzalandırdı. Bəli, Ueda ilə Kubo 2-ci hissənin əvvəlində hesabı darmadağın həddinə çatdıra bilərdilər. Lakin bunu bacarmadılar və cəzalı olduğu üçün aparıcı hücumçusu Taremisiz oynayan cənub qonşularımız son saniyələrdə penalti ilə “qıyıqgöz”ləri evə yolladılar.
Qətər - Özbəkistan 1:1, p. – 3:2
Yusupov, 27-öz qapısına - Xamrobekov, 59.
Qətər: Barşim, Mendes, Əli Muxtar, Salman (Məhəmməd, 91), Vaad (Əl-Breyk, 108), Fəthi (Maşal, 104), Əl-Haydos (Munir, 53), Qaber (Hatem, 81), Ro-Ro, Afif, Almoez Əli.
Özbəkistan: Yusupov, Aşurmatov, Eşmuradov, Abdullayev, Sayfiyev (Abduraxmatov, 99), Xamrobekov, Şukurov, Turqunboyev (Xamraliyev, 106), Fayzullayev (Erkinov, 114), Urunov (Umarov, 75), Maşaripov.
1/4 finalın barışmaz mübarizə şəraitində keçən son oyununun qalibini penalti seriyası müəyyənləşdirdi. Bartolome Markesin çalışdırdığı Qətər yığması favorit statusunu yalnız “lotereya” ilə doğrulda bildi.
Bombardirlər: Hüsseyn (İraq) – 6, Afif (Qətər), Ueda (Yaponiya) – 4.
Fevralın 6-7-də keçiriləcək yarımfinal oyunlarında cütlər belə formalaşıb: İordaniya – Koreya, İran – Qətər.