“Liverpul” müdafiəçi Vircil van Diyk ilə hücumçu Məhəmməd Salahı heyətində saxlamaq niyyətindədi.

"Football-plus.az" xəbər verir ki, “Football Insider”in iddiasına görə, klub rəhbərliyi liderlərini saxlamaq üçün əlindən gələni edir. Hərçənd Yürgen Kloppun məlum qərarından sonra adı çəkilən futbolçuların cari mövsümün sonunda “qırmızılar”ın düşərgəsindən ayrıla biləcəkləri haqda xəbər yayılmışdı. 31 yaşlı Salahla 32 yaşlı Van Diykin müqaviləsinin müddəti 2025-ci ilin yayına qədər nəzərdə tutulub.

Bu arada misirli siyasətçi, “Vəfd” partiyasının rəhbəri Sanad Yamama Salahın maaşının 20 faizini vətəninə köçürməsini təklif edib. Ümumiyyətlə, Yamama ölkə xaricində yaşayan bütün misirlilərə münasibətdə belə addım atılmasını istəyir. Belə ideyanın hədəfi Misir funtunun dəyərsizləşdirməsi fonunda iqtisadiyyatda sabitliyə nail olmaqdı:

Xatırladaq ki, Salah “Liverpul”da həftəyə 1 milyon funt sterlinq qazanır. Bir müddət əvvəl mersisaydlıların çalışdırıcısı Klopp onu indiyə qədər qarşılaşdığı misirlilər arasında ən sadiq vətəndaş adlandırmışdı.