“Yuventus”un A seriyasındakı liderliyi çox da çəkmədi: turinlilər 22-ci turda öz meydanında büdrədilər. Nəticədə Florensiyada qələbə qazanan “İnter” yenidən zirvəyə qayıtdı.

"Football-plus.az" xəbər verir ki, son həftələr yüksəlişdə olan “Yuventus”un evdə “Empoli”dən yalnız bir xal ala bilməsi gözlənilməz oldu. Amma bu, səbəbsiz deyil. Məsələ ondadı ki, zədə zündən Rabyo və Kyezadan yararlana bilməyən Massimiliano Alleqrinin komandası rəqibə qarşı azı 75 dəqiqə on nəfərlə oynamalı oldu. Ona görə ki, polşalı hücumçu Milik 18-ci dəqiqədə Çerriyə qarşı kobud oyununa görə qarşısında birbaşa qırmızı vərəqə gördü. Turinlilər hər necə olsa fasilədən dərhal sonra Vlahoviçin qolu ilə hesabı açsalar da, empolililərin cavab qolunun qarşısını ala bilmədilər. Bununla da “ağ-qaralar”ın çempionatdakı 5 oyunluq qələbə seriyası qırıldı. İki xal itkisi onlara yenicə yüksəldikləri 1-ci yeri itirmək bahasına başa gəldi.

Çünki bir oyun az keçirən “İnter” Florensiyadan evə maksimum nəticə ilə dönməyi bacardı. Doğrudu, gözlənildiyi kimi, milanlılara asan olmadı. Lautaro Martines 14-cü dəqiqədə hesabı açmaqla ev sahiblərini qalan vaxtda daha cəsarətli oynamağa vadar etdi. Qeyd edək ki, argentinalı hücumçu “İnter”in formasında bütün turnirlərdə 124-cü qolunu vurdu. O, bununla komandanın ən yaxşı bombardirlərinin siyahısıda Kristian Vyerini arxada qoydu. Lautaro hazırda Mauro İkardi ilə 8-9-cu yerləri bölüşür. Maraq üçün bu siyahıya 287 qolla Cüzeppe Meatsanın başçılıq etdiyini də bildirək. “Fiorentina”nın azı məğlubiyyətdən qaçmaq üçün kifayət qədər şansı oldu. Lakin ev sahibləri matçın qəhrəmanı olan qapıçı Zommer qarşısında aciz qaldılar.

Tur “Milan”ın da evdə iki xal itirməsi ilə yadda qaldı. “Bolonya” ilə oyunda qapısında qol görən “qırmızı-qaralar” Loftus Çikin dublu ilə əzmkarlıq göstərsələr də, sonda məyus oldular. Halbuki nəticəni böyük ölçüdə ikinci hissənin ortalarında öz xeyrinə həll edə bilərdilər. Gəl ki, milanlıların iki oyunçusu - Jiru ilə Ernandes penaltini boşa verdilər. Əvəzində qonaq komanda son dəqiqələrdə qazandığı penalti ilə ölkə nəhənginə yaxşıca cavab verdi. Stefano Pyolinin komandası əvvəlki 6 oyunda 5 qələbə qazanmaqla 3-cü yerdə möhkəmlənmişdi. “Milan”ın bu yerdəki mövqeyi hələ də güclüdü.
Turun mərkəzi oyunu paytaxtda keçirildi. “Latsio” – “Napoli” matçında “qol” səsi eşidilmədi. Bunun üçün elə bir şərait də olmadı: qapılar qarşısında real qol vəziyyətinə barmaq sayı qədər təsadüf edildiyini bildirək.

22-ci tur
Atalanta – Udineze 2:0
Mirançuk, 33. Skamakka, 45+1. (14716)
Atalanta: Karnesekki, Kolaşinats, Skalvini (Palomino, 80), Cimşiti, Rucceri (Zappakosta, 69), Ederson, De Roon, Holm (Hatebur, 69), Mirançuk (Muriel, 88), De Ketelare, Skamakka (Paşaliç, 69).
Yuventus – Empoli 1:1
Vlahoviç, 50 - Baldantsi, 70. (39000)
Yuventus: Şçensnı, Aleks Sandro, Bremer, Qatti, Kostiç (Aylinq-Cunior, 78), Lokatelli, Kambyaso (Yıldız, 78), Miretti (Vea, 59), Makkenni, Milik, Vlahoviç.
Milan – Bolonya 2:2
Loftus Çik, 45; 83 – Zirkzee, 29. Orsolini, 90+2-p. (71334)
Milan: Menyan, Ernandes, Kyaer, Qabbya, Kalabriya (Florentsi, 59), Reynders, Adli (Musa, 59), Leao (Okafor, 87), Loftus Çik, Pulişiç (Terraçano, 87), Jiru (Yoviç, 60).
Latsio – Napoli 0:0
(30000)
Latsio: Provedel, Latsari (Luka Pelleqrini, 71), Qila, Romanyoli, Maruşiç, Luis Alberto, Kataldi (Rovella, 84), Genduzi (Vesino, 77), İsaksen (Pedro, 84), Felipe Anderson, Kastelyanos.
Napoli: Qollini, Ruy (Matsokki, 80), Juan Jezus, Rrahmani, Estiqor, Di Lorentso, Lobotka, Demme (Qaetano, 60), Zyelinski (Dendonker, 84), Politano (Lindstrem, 84), Raspadori (Nqonq, 79).
Fiorentina – İnter 0:1
Lautaro Martines, 14. (35084)
Fiorentina: Terraçano, Lukas Martines, Ranyeri, Parizi (Milenkoviç, 88), Faraoni, Dunkan (Mandraqora, 83), Artur (Lopes, 46), İkone (Qonsales, 61), Bonaventura, Nzola, Beltran (Barak, 83).
İnter: Zommer, A.Bastoni (Açerbi, 60), De Vrey, Pavar (Bissek, 83), Auqusto, Darmian (Dyumfris, 60), Mxitaryan, Asllani, Frattezi, Türam (Arnautoviç, 60), Lautaro Martines (Sançes, 77).
Kalyari – Torino 1:2
Viola, 77 – Sapata, 23. Riççi, 45+3. (16196)
Cenoa – Leççe 2:1
Retegi, 70. Ekuban, 76 – Krstoviç, 31. (32152)
Montsa – Sassuolo 1:0
Kolpani, 31. (9982)
Verona – Frozinone 1:1
Suslov, 45+3-p. – Kayo Jorje, 58. (17529)
Salernitana – Roma 1:2
Kastanos, 70 – Dibala, 51-p. Pelleqrini, 66.
1. İnter 21 17 3 1 50-10 54
2. Yuventus 22 16 5 1 36-13 53
3. Milan 22 14 4 4 43-25 46
4. Atalanta 21 11 3 7 37-21 36
5. Roma 22 10 5 7 36-26 35
6. Latsio 21 10 4 7 24-20 34
7. Fiorentina 21 10 4 7 29-22 34
8. Bolonya 21 8 9 4 25-20 33
9. Napoli 21 9 5 7 30-25 32
10. Torino 21 8 7 6 20-19 31
11. Montsa 22 7 7 8 21-28 28
12. Cenoa 22 7 7 8 24-26 28
13. Frozinone 22 6 5 11 29-41 23
14. Leççe 22 4 9 9 21-31 21
15. Sassuolo 21 5 4 12 26-37 19
16. Verona 22 4 6 12 20-30 18
17. Udineze 22 2 12 8 23-37 18
18. Kalyari 22 4 6 12 21-38 18
19. Empoli 22 4 5 13 15-36 17
20. Salernitana 22 2 6 14 19-44 12
Bombardirlər: Martines (İnter) - 19, Vlahoviç (Yuventus) – 12, Jiru (Milan) – 10.
Növbəti turun oyunları fevralın 2-5-i aralığında keçiriləcək: Leççe - Fiorentina, Empoli - Cenoa, Udineze - Montsa, Frozinone – Milan, Bolonya – Sassuolo, Torino - Salernitana, Napoli - Verona, Atalanta – Latsio, İnter - Yuventus, Roma - Kalyari.

Turun rəqəmi
0 – “Napoli” “Latsio” ilə oyunda qapıya bir dəqiq zərbə belə endirə bilmədi. Neapollular A seriyasına qayıtdıqları 2007/08 mövsümündən sonra üçüncü dəfə belə göstərici ilə diqqəti cəlb etdilər. “Napoli” ötən müddətdə ilk dəfə 2011-ci ilin fevralında “Milan”a, 2012-ci ilin aprelində isə “Yuventus”a qarşı matçda qapı çərçivəsinə zərbə endirə bilməmişdi.

Turun ulduzu
Yan Zommer (İnter) – florensiyadakı matçı əla keçirməklə komandasının çətin səfərdə maksimum nəticə qazanmasında böyük rol oynadı. Qapıya yönələn bütün zərbələri, o cümlədən Bonaventuranın təhlükəli zərbəsini dəf etdi. Həlledici məqamda isə penaltinin qola çevrilməsinə mane oldu.

Turun sitatı
Valter Matsarri, “Napoli”nin baş məşqçisi: “Latsio”nun gücünü nəzərə alarkən nəticədən razı qalmalıyam. Çətin səfərə bir sıra aparıcı oyunçularımız olmadan yollanmışdıq. Ciddi sınaqdan yaxşı çıxdıq”.