Mayk Taysonun təmsilçiləri onun Fyodor Yemelyanenko ilə döyüşməkdə maraqlı olduğu haqda xəbəri təkzib edərək hazırda heç bir danışıq aparılmadığını deyiblər.
Bu haqda xəbəri “The Sun”ın əməkdaşı Çisanqa Malata yayıb:
“Yayılan xəbərlərin ziddinə Mayk Tayson MMA ikonası Fyodor Yemelyanenko ilə Səudiyyə Ərəbistanında döyüş keçirməklə bağlı danışıq aparmır. Onun təmsilçiləri bu gün mənə belə dedilər: “Bu yalandı. Mister Tayson öz düşərgəsindən heç kimlə danışmayıb. O, Yemelyanenko ilə nə indi, nə də gələcəkdə döyüşməkdə maraqlıdı”.
Maraqlıdı ki, Yemelyanenko bir neçə gün əvvəl Sergey Lodıginin “yutub” telekanalında Taysonla Səudiyyə Ərəbistanında döyüşməklə bağlı danışıqların axarı haqda danışmışdı.