“Şamaxı”dakı nəticələr məni qane etmirdi. Fikirləşdim ki, istefa verməyin özü bir mədəniyyətdi, istefa verim, bəlkə kimsə gəlib daha yaxşısını edə bilər. Məncə, bura gəlməyim yaxşı oldu. “Qarabağ”a gəlişimin səbəbkarı Aftandil Hacıyev oldu. Dedi ki, gəl, potensialını bu uşaqlarla bölüş. Buna görə də mən bir qədər həvəsləndim və gəldim. Çempionat bitənə qədər burdayam. Nə qədər ki, burdayam, təcrübəmi uşaqlarla bölüşəcəm. Uşaq futbolunda yeni deyiləm, “Qarabağ”ın U-17 və U-19 komamdalarında işləmişəm. Uşaqlarla tanış olmuşam, dünən bir məşqə çıxmışam, bu gün də ikinci məşq olacaq. Bu komandanın 2-3 oyununu izləmişdim. Burda çox istedadlı futbolçular var. Əsas odu ki, zədədən uzaq olsunlar. Komandadan yaxşı futbolçular çıxa, milli komandamıza gedə bilər. Xaricə təcrübə yığmaq üçün getməliydim. Bu məsələlərə görə alınmadı”.