"4 yoxlama oyununda gücümüzü sınamağı düşünürdük. Uyğun rəqib tapa bilmədiyimizdən sayı üçə endirdik. 15-də MOİK, 31-də isə “İmişli” ilə yoxlama oyunu keçirəcəyik. Üçüncü görüşün hansı komandayla olacağı bəlli deyil. Heyətə gəlincə, ciddi dəyişiklik düşünmürük. Aparıcı oyunçuları saxlamağa çalışırıq. Cavidan İzzətli və Mehman Məsimovla müqaviləyə qarşılıqlı razılıq əsasında xitam verilib. Legioner gətirməyi düşünmürük. Lakin yaxşı fürsət düşsə, qaçırmayacağıq. “Səbail”ə müraciət etmək kimi fikrimiz də yoxdu. Məncə, 1-ci liqadakı rəqabət premyer-liqadan geri qalmır. Bizə formada olan, daim oynayan və təcrübəli oyunçular lazımdı. Səhv anlaşılmasın, lakin elə oyunçuların bizə kömək edə biləcəyini zənn etmirəm”.