"Birinci hissədə komandamız üçüncü zonada pressinq edirdi. Fikrimiz var idi ki, rəqibə oynamağa imkan verməyək. Bu hardasa ilk yarıda bəhrəsini verdi. Amma ikinci yarıda istədiklərimiz alınmadı. "Neftçi"nin əvəzetmələrindən sonra böyükhesablı məğlubiyyət aldıq".

"Football-plus.az" xəbər verir ki, bu sözləri "Qaradağ-Lökbatan"ın baş məşqçisi Azər Həşimov deyib.

O, jurnalistlərin suallarını cavablandırıb:

- 1-ci lada lidersiz. "Neftçi" altıncı pillədədir. Səviyyə fərq çoxdur?
- Bir o qədər də uçurum yoxdu. Əvvəl limit var idi, onda uçurum çox hiss edilirdi. İndi sərbəstdir, yaş limiti yoxdu. Bu dəqiqə premyer-liqa klublarının büdcələri ilə1-ci liqa büdcələri eyni deyil. 10 dəfə artıqdı. Burada keyfiyyətli oyunçular daha çoxdur. 1-ci liqada isə daha istedadlı oyunçuları üzə çıxaraq ki, Azərbaycan futboluna xeyir versin.

- "Qaradağ Lökbatan"ın hədəf hansıdı?
- Premyer-liqaya vəsiqə qazanmaq. Bir neçə iddialı komandalar var. Çalışacağıq ki, premyer-liqaya vəsiqə qazanaq.

- MOİK "Qarabağ"dan 90+4-cü dəqiqədə qol buraxdı...
- Sözün açığı, futbolçuları inandırdım ki, ən yaxşısını etməyə çalışacağıq. Amma reallığı danışaq. Elə epizodlarımız var idi ki, orada bir toxunuş edib, daha təhlükəli vəziyyət yaratmaq olardı. Təcrübə öz sözünü dedi. "İmişli" də "Qəbələ"yə uduzdu. Biz süni meydandada məşq edib, təbii otda oynayanda çox çətin olur. Ayaqlar tutulur. İlk yarıda "Neftçi"dən də yaxşı oynadıq.