Çərşənbə axşamı İngiltərə kubokunun 1/32 finalının təkrar oyunları çərçivəsində 10 komanda meydana çıxdı.

"Football-plus.az" xəbər verir ki, turnirin reqlamentinə görə, heç-heçə bitən cütlərdə komandalar daha bir oyun keçirməli olur. Təbii ki, elita təmsilçilərinin olduğu duellər daha böyük maraq doğururdu. “Vulverhempton” “Brentford”la oyunun gedişində iki dəfə hesabda geri düşsə də, hər dəfə hesabı bərabərləşdirməyə və nəhayət, 105+1-ci dəqiqədə qələbə topunu vurmağa güc tapdı. “Luton”un 3-cü dəstə təmsilçisi “Bolton”u mübarizədən kənarlaşdıracağı gözlənilirdi ki, sonda elə belə də oldu. Əvəzində “Bristol Siti” – “Vest Hem” oyunu gözlənilməz hesabla bitdi. “Çəkicdöyənlər” premyer-liqanın turnir cədvəlində 6-cı pillədə qərarlaşıb, avrokuboklara vəsiqə uğrunda oynayır. Bu üzdən onların 3-cü dəqiqədə buraxdıqları qolun əvəzini çıxa bilməməsi təəccüb doğurdu. Ədalət naminə onu da deyək ki, “Vest Hem” Benrahmanın 51-ci dəqiqədə meydandan qovulması üzündən faktiki bir hissə azlıqda oynadı.

Daha iki cütdə aşağı dəstə təmsilçiləri üz-üzə gəldi. “Birmingem” “Hall Siti”ni, “Nuport” “İstli”ni məğlub etdi.

1/32 final, təkrar oyunlar
Vulverhempton – Brentford 3:2, əlavə vaxtda
Semedu, 36. Freyzer, 72. Kunya, 105+1 – Kollinz, 13. Mope, 52.
Bolton (D-3) – Luton 1:2
Çarlz, 11 – Çon, 15. Oqbene, 48.
Bristol Siti (D-2) – Vest Hem 1:0
Konuey, 3.
Birmingem (D-2) – Hall Siti (D-2) 2:1
Stensfild, 66. Miyosi, 90+4 – Eyenqa-Lokilo, 12.
İstli (D-5) – Nyuport (D-4) 1:3
Makkallum, 48 – Uayldiq, 3. Klark, 60. Evans, 79.
Bristol Rovers (D-3) – Norviç (D-2) 1:3
Makkormik, 20 – Sara, 53. İda, 59-p. Maklin, 87.
Everton – Kristal Pelas 1:0
Qomes, 42.
Blekpul (D-3) – Nottingem Forest 2:3, ə.v.
Morqan, 61. Cozef, 78 – Omobamidele, 16. Danilo, 46. Vud, 110.