Volffun müqavilə müddəti daha üç il uzadılıb
Tofo Volff yaxın perspektivdə də “Mersedes” komandasının rəhbəri vəzifəsində qalacaq.
O, “The Telegraph”a müsahibəsində müqavilə müddətinin daha üç il uzadıldığını təsdiqləyib. Ştutqart konserninin zavod komandasının səhmlərinin üçdəbiri Volffa məxsusdu, qalan hissə isə “Mercedes-Benz Group AG” ilə Britaniyanın “Ineos” korporasiyası arasında bərabər bölünüb. “Ineos”un rəhbəri, yaxınlarda “Mançester Yunayted”in səhmlərinin bir hissəsinə də yiyələnən Cim Ratklif və “Mercedes”in idarə heyətinin sədri Ola Kallenius belə qərara gəlib ki, Volffun rəhbər vəzifədə qalması komandanın maraqlarına uyğundu. Volff yuxarıda xatırladılan müsahibəsində belə deyib:
“Biz bir-birimizə etibar edirik və mən hesab edirəm ki, bu üç tərəf arasındakı münasibətlərdə ən çox vacib olan budu. Enində-sonunda mən də komandanın səhmdarıyam və qoyduğum investisiyanın geri qayıtmasında maraqlıyam. İnvestisiyanı qaytarmağın ən yaxşı yolu isə qələbələr qazanmaqdı”.
Xatırladaq ki, “Mercedes” 2014-21-ci illər aralığında 8 dəfə Mühəndislər kubokunu qazanıb. Ancaq “Formula-1” üzrə dünya çempionatında yeni nəsil maşınlara keçiddən sonra bu komandanın dominantlığı başa çatıb. İndi isə dünya çempionatında 2013-cü ilə qədər olduğu kimi, yenə də “Red Bull Racing”in hegemonluğu hökm sürür. Bu üzdən Ştutqart konserninin zavod komandasının qarşısında duran əsas vəsifə ondan ibarətdi ki, ən azı liderlərdə aradakı geriliyi aradan qaldırsın, ardından əvvəlki qələbə yoluna dönsün.
Digər xəbərlər
