"Bəli, belə variant müzakirə olunur. Cavid Hüseynovla çoxdan yaxşı münasibətlərimiz var. Onunla həm klublarda, həm də millidə birgə oynamışam. Həmçinin sonuncu komandam olan "Şamaxı"da da Cavid müəllimin rəhbərliyi altında çıxış etmişəm. Qısası, onunla çox yaxınıq. Cavid mənə təklif etdi ki, gəl oyna, bizə kömək et. Amma hələlik yekun qərarımı verməmişəm. Yaşıl meydana qayıtsam, sırf Cavid Hüseynovun israrlı xahişinə görə olacaq. Çünki həm onun sözünü yerə salmayacam, həm də komandasına əlimdən gələni köməyi edəcəm. Qarşıdakı günlərdə hər şeyə aydınlıq gələcək".