“İrəvan”ın hazırkı vəziyyəti nə pisdi, nə də yaxşı. Bunu sırf turnir cədvəlindəki yerimizə baxıb deyirəm. Hələ ki hər şey itirilməyib. Qarşıda 6 ay vaxtımız var. 1-ci yerlə xal fərqimiz elə də böyük deyil. Komandamızdakı futbolçular bu zamana qədər yaxşı yerlərdə oynayıblar. Onların potensialını, bacarığını götürsək, çempion ola bilərik. Maddi tərəfdən düşünsək, hələ ki sponsor yoxdu. Lakin klub rəhbərliyi də çalışır ki, bu məsələləri tez bir zamanda həll etsin. Komanda hələ toplaşmayıb. Futbolçuların gedib-getməməsindən xəbərim yoxdu. Amma bildiyim qədərilə hələ ki heç kim getməyib. Ən azı kimsə getsəydi, sağollaşardı. Kapitan kimi əlimdən gələni etməyə hazıram. Desələr ki, sən də çalış futbolçular komandadan getməsin, əlbəttə, kömək edərəm. İstəmərəm klubdan kimsə getsin. Amma hər kəsin öz fikri, öz qərarı var”.

“Sözün düzü, bir-iki məsələ olub. Amma real təklif olmadan nəsə demək doğru çıxmaz. Hələ ki “İrəvan”la müqaviləm var. Bu dəqiqə onun üçün tər tökürəm və fikirləşdiyim odu”.