Türkiyə çempionatında dünən 19-cu tura 3 oyunla start verildi.

“Football-plus.az” xəbər verir ki, günün əsas sürprizi İstanbulda qeydə alındı. Hələ də baş məşqçi axtarışında olan ''Beşiktaş'' gözlənilmədən öz meydanında ortabab ''Kasımpaşa'' ilə bacara bilmədi. Qonaqlar Nuno Da Koştanın het-triki sayəsində 3:1 hesablı qələbə qazandılar. Buna qədər fanatları önündə ''Fənərbaxça'' (1:3) və ''Alanyaspor''a (1:3) uduzan ''Qartal'' bununla da superliqada ardıcıl 3-cü ev oyunundan xalsız ayrıldı. Bu hadisə XXI əsrdə ilk dəfə baş verdi! Komandanın sonuncu dəfə bir mövsümün gedişində evdəki ardıcıl 3 çempionat oyununda uduzması faktı 1996-nın aprel-mayında qeydə alınmışdı.

Onu da bildirək ki, ''Beşiktaş'' bu mövsüm 18 superliqa matçının 7-də məğlub olub. Yəni komandanın məğlubiyyət faizi 38,9-a bərabərdi. ''Ağ-qaralar''ın tarixində daha öncə heç vaxt bu cür yüksək məğlubiyyət faizi olmayıb.

ƏLİ