“Bu il futbolçu karyeramı bitirib, məşqçi karyerama başladığım il oldu. Bir müddət “Sabah”ın azyaşlılar akademiyasında rəhbər kimi işlədim. Ondan sonra Naxçıvandan təklif gəldi və əsas liqaya getdim. Bu mənim üçün böyük bir uğurdu. Çünki adətən, futbolçu karyerasını bitirənlər kiçik yaş qruplarından başlayır. Mən isə birbaşa əsas liqadan başladım. Çalışacam ki, bu uğurun davamını növbəti ildə də gətirim".

"Hazırda məşqçilik kateqoriyasını oxuyuram. İnşallah, bu kateqoriyanı bitirəndən sonra baş məşqçilik haqda düşünmək olar. Ölkə futbolu üçün də bu il çox məhsuldar oldu. 1-ci, 2-ci liqalar yarandı. Əsas liqadakı komandalar arasında rəqabəti artdı. Həqiqətən irəliləyiş hiss olunur. “Qarabağ”ı çıxmaq şərtiylə bütün komandalar bir-biriylə rəqabət apara biləcək gücdədi. Ümid edirəm ki, növbəti ildə də bu irəliləyişin davamı gələr. Rayon komandalarının çempionata gəlişi ab-havanı daha da yaxşılaşdırdı. Hər bölgəmizdə futbol inkişaf edir”.