Azərbaycanlı futbolçu karyerasını bitirən kimi məşqçiliyə başladı - ÖZƏL AÇIQLAMA
Premyer-liqanın 22-ci turunda keçirilən "Şamaxı" - "Neftçi" matçında Rail Məlikov karyerasını bitirdiyini rəsmən elan etdi.
Yayılan informasiyaya görə, Məlikov klubda məşqçi kimi fəaliyyət göstərir. Həm bu məlumatı, həm də ümumi təəssüratını bilmək üçün futbolçunun özü ilə danışmağa qərar verdik. Railin "Football-plus.az" saytına açıqlaması belə oldu:"Bəli, karyeramı bitirdim. Düzdü, Ruslanla bu qərarı çoxdan vermişdik. Elə fikirləşdik ki, klub "Şamaxı" adı altında oynadığı ilk gün elan edək və vida mərasimi keçirək. Bu qərar çoxdan var idi. Yayılan xəbərlər doğrudu. Müqavilə bağladıqdan sonra məşqçi kimi fəaliyyət göstərdim. Keçən ildən B kateqoriyası kurslarına qoşulmuşdum. Nəzərdə tuturdum ki, kateqoriyanı alandan sonra karyeramı bitirim. Təlimi uğurlu bitirdim və məşqçilik karyerasına başlamaq qərarına gəldim. Bundan sonra yoluma "Şamaxı"da məşqçi kimi davam edəcəm. Bunun üzərində işləyirəm. Bu sahəyə daha yaxşı yiyələnmək istəyirəm. Bir il işləyəndən sonra A kateqoriyası imtahanlarına gedəcəm. Çalışacam A, sonra PRO alım. İddialı məşqçilərdən biri olmaq istəyirəm. Hədəfim budu. Azərbaycan futboluna töhvə vermək istəyirəm".
GÜNAY VƏLİYEVA
Digər xəbərlər
