“TFF-də hər zaman son qərarı prezident verir. Hakimlər Komitəsi təyinatları etdikdən sonra siyahını TFF başqanına verir. Daha öncə TFF prezidentləri arasında Mehmet Büyükekşi qədər hakim təyinatlarına qarışan başqa bir şəxs görməmişdim. O istədiyi təyinata müdaxilə edir. Hakimləri dəyişdirir və istədiyi oyuna ürəyi istədiyi hakimi təyin edir”. Sabiq FİFA referisinin bu sözləri, gözlənildiyi kimi, müzakirələrə səbəb oldu. Federasiya isə boş durmayaraq belə desək, cavab hücumuna keçdi. Mehmet Büyükekşi “Sabah” nəşrinə açıqlamasında Əli Palabıyıkı məhkəməyə verdiklərini və ona qarşı maddi, eləcə də mənəvi dava açdıqlarını bildirdi: “Artıq vəkillərimiz bu məsələ ilə məşğul olur. Səsləndirilən iddiaların hamısı yalandı. Bütün hakimlik camiəsini təhdid altında buraxan həmin şəxsə qarşı maddi və mənəvi olaraq bütün hüquqlarımızı sona qədər qoruyacağıq. Onun sözlərindən olduqca narahatlıq keçirən hakimlərimiz var”.

“TFF seçkilərlə gələn və seçkilərlə də gedən müstəqil bir qurumdu. Vəzifəni kimdənsə almaq və ya başqasına vermək kimi bir durum ola bilməz. Həmişəki kimi işimin başındayam. İnsanların nə üçün belə xəbərlər uydurduğunu anlamıram. Belə çıxır ki, yaxşı niyyətimizdən sui-istifadə edənlər var”.